მოსამართლე ვლადიმერ ხუჭუას თქმით, Facebook-ზე დაწერილი კომენტარის გამო მოქალაქის წინააღმდეგ შსს-ს მიერ დაწყებულ საქმეზე საბოლოო გადაწყვეტილება 4 სექტემბერს მიიღო. მისი განმარტებით, სოციალურ ქსელში გამოქვეყნებულ პოსტთან დაკავშირებით ადმინისტრაციულ სამართალდარღვევათა კოდექსის 166-ე მუხლით საქმე პირველად განახილა. ამის შესახებ მან "ტვ პირველს" განუცხადა.

"პოსტთან დაკავშირებით ეს იყო ჩემი პირველი საქმე, რომელიც განვიხილე ადმინისტრაციულ სამართალდარღვევათა კოდექსის 166-ე მუხლის პირველი ნაწილით გათვალისწინებულ დარღვევაზე. ეს იყო პირველი საქმე, რომელიც დამეწერა, თუ არ ვცდები, აგვისტოს თვეში.

ახლა არ მაქვს მსგავსი საქმე. გადაწყვეტილება მივიღე 4 სექტემბერს.

მონაცემების გამჟღავნება დაუშვებელია — თუ ვის მიმართ შედგა ოქმი, თუ ვის მიმართ იყო კომენტარი დაწერილი, რა შინაარსის კომენტარი იყო და ასე შემდეგ", — განაცხადა მოსამართლემ.

შეგახსენებთ, მოსამართლე ვლადიმერ ხუჭუამ Facebook-ზე დაწერილი კომენტარის გამო მოქალაქის წინააღმდეგ შსს-ს მიერ დაწყებული საქმის წარმოება შეწყვიტა. სასამართლოს განმარტებით, პოლიციამ ვერ წარადგინა უტყუარი მტკიცებულებები იმის დასამტკიცებლად, რომ პროფილი და კომენტარი ნამდვილად იმ კონკრეტულ პირს ეკუთვნოდა