ახალი iPhone გამოსვლას ვერ ასწრებს, რომ ყველას თვალები გვიბრწყინდება და გვეჩვენება, რომ ჩვენი ახლანდელი ტელეფონი უეცრად ანტიკვარი გახდა. მოიცადე! სანამ განვადებას გააკეთებ, ამ 8 კითხვას უპასუხე და გაიგე, მართლა გჭირდება თუ არა ახალი iPhone!

როგორაა შენი iPhone-ის ელემენტი?

• 85%-ზე მეტია Battery Health
• 80-85% შუალედშია Battery Health
• 80%-ზე ნაკლებია Battery Health

რა მდგომარეობაშია ეკრანი? შუშას რომ უყურებ, რას ხედავ?

• უნაკლოა, არცერთი ბზარი არ აქვს
• უმნიშვნელო ნაკაწრები აქვს
• ფერადი ზოლები და შავი ლაქები გასდევს
• სულ გაბზარულია და სენსორი თავისი ცხოვრებით ცხოვრობს...

როგორ იქცევა ტელეფონი, როცა უბრალო დავალებას აძლევ?

• სწრაფად რეაგირებს
• ტექსტის აკრეფისას იმდენად აგვიანებს, ასოების გამოჩენამდე აზრი მავიწყდება...
• ხშირად იჭედება, აპლიკაციებიდან მაგდებს და ნერვულ სისტემას მინადგურებს...

რამდენი თავისუფალი მეხსიერება დაგრჩა?

• საკმარისი ადგილი მაქვს, ყველაფერი ეტევა
• სულ ძველი ფოტოებისა და ვიდეოების წაშლა მიწევს...
• განახლების ჩამოსატვირთი ადგილიც კი არ მაქვს...

iOS-ის განახლებებთან როგორ ხარ?

• მშვენივრად, უახლესი iOS მაქვს
• მხოლოდ უსაფრთხოების განახლებებია, ახალი ფუნქციები ჩემამდე ვერ აღწევს
• განახლებები საერთოდ აღარ მოდის
• ისეთ ძველ iOS-ზე ვარ, ბანკის აპლიკაციაც კი აღარ იხსნება

როგორ მოგწონს შენი აიფონით გადაღებული ფოტოები?

• არაფერს ვერჩი, მშვენიერი მკვეთრი ფოტოებია
• არის რა, მთავარია ფოტოებში გამონაყარი არ მიჩანს
• ტოსტერით უკეთეს სურათებს ვიღებ (განსაკუთრებით ღამით)
• ლინზა გატეხილია და ვიდეოს გადაღებისას კადრი ისე კანკალებს, თავი მიწისძვრის ეპიცენტრში მგონია...

დამტენის შეერთების პროცესი რას წააგავს?

• სწრაფად და შეუფერხებლად იტენება
• კაბელი ხშირად ძვრება
• გარკვეული კუთხით თუ არ დავიჭირე და წიგნები არ შევუდე, არ იტენება
• პორტი საერთოდ მკვდარია, უსადენო დამტენით ვცოცხლობთ

ხელოსანთან რომ მიიტანო, რას გეტყვის (ან უკვე რა გითხრა)?

• რისთვის უნდა მივიტანო?
• ჩემი ნახევარი ხელფასი ეკრანისა და ელემენტის გამოცვლაში დაიხარჯება
• საკითხავია, შეკეთება უფრო ძვირი დაჯდება თუ თვითონ ტელეფონი...
• ალბათ, გადასაგდებიაო