ევროკომისარმა საგარეო ურთიერთობათა საკითხებში, კაია კალასმა წამოაყენა წინადადება, რომ ბლოკის ორგანიზებულ დანაშაულთან მებრძოლ პროკურორებს მიეცეთ უფლება იმ კომპანიებისა და ფიზიკური პირების წინააღმდეგ აღძრან საქმე, რომლებიც რუსეთს სანქციების გვერდის ავლაში ეხმარებიან და უკრაინაში ომს აფინანსებენ. ინფორმაციას POLITICO ავრცელებს.

გამოცემის ცნობით, კაია კალასმა წამოაყენა იდეა, რომ სანქციების გვერდის ავლის საქმეებზე ზედამხედველობა ევროპის პროკურატურას (EPPO) გადაეცეს. ლუქსემბურგში მდებარე ევროპული უწყება იმ პირებისა და ორგანიზაციების შესახებ გამოძიებას, რომლებიც რუსეთის "ომის მანქანისთვის" საჭირო საქონელს გადაზიდავენ ან ფულის გათეთრებაში მიიღებენ მონაწილეობას.

POLITICO ინფორმირებულ წყაროებზე დაყრდნობით წერს, რომ კალასმა ეს იდეა ოთხშაბათს, ევროკავშირის წევრი ქვეყნების ელჩებთან შეხვედრაზე გააჟღერა, თუმცა ამ ეტაპზე კონკრეტული ოფიციალური წინადადებები არ წარუდგენია.

ამჟამად EPPO-ს ევალება მძიმე ორგანიზებული დანაშაულის გამოძიება და სისხლისსამართლებრივი დევნა, მათ შორის ფულის გათეთრების, კორუფციისა და ტრანსსასაზღვრო თაღლითობის მიმართულებით. საერთაშორისო სანქციების აღსრულებაზე ზედამხედველობა კი მისი უფლებამოსილების მნიშვნელოვანი გაფართოება იქნება.