მას შემდეგ, რაც ჭყონდიდის მიტროპოლიტი პეტრე ეპარქიიდან განაყენეს და მან კათოლიკოს-პატრიარქი ილია მეორე "პედერასტიისა და მამათმავლობის ცოდვით შეპყრობილად" მოიხსენია, მის წინააღმდეგ დისკრედიტაციის კამპანია დაიწყო. მეუფე პეტრეს ის ფეისბუქგვერდები დაუპირისპირდნენ, რომლებიც სხვადასხვა დროს პროსახელისუფლებო და ანტილიბერალურ მიდგომებში არიან შემჩნეული.

მეუფის დისკრედიტაციის მთვარი ხაზი ისევე, როგორც ამ გვერდების სამიზნე სხვა პირების, პარტიულობაზე გადის. ადმინისტრატორები ცდილობენ დაამტკიონ, რომ მეუფე ნაციონალურ მოძრაობასთან არის კავშირში და "ეკლესიის მტერია".

ამ შინაარსის პოსტები, იდენტური გრაფიკული დიზაინით ვრცელდება სხვადასხვა ფეისბუქგვერდებზე.

თუმცა, აღსანიშნია, რომ სხვა დიზაინის მადესკრიდიტირებელი ფოტოებიც გვხვდება.

ერთ-ერთი ფოტოთი ფეისბუქგვერდზე ნუ გეშინია მიშა ცდილობენ დაამტკიცონ, რომ პეტრე ცაავას ოთახში მიხეილ სააკაშვილის სურათი აქვს. თუმცა, ფოტოში არც მეუფე პეტრე ჩანს და არც რაიმე მაიდენტიფიცირებელი ნიშანი.

გარდა ამისა, მონათესავე ფეისბუქგვერდებზე იწერება ვრცელი პოსტები, რომელიც პეტრეს "გამოაშკარავებას" ისახავას მიზნად.

სასულერო პირის მიმართ არამხოლოდ დისკრედიტაცია, არამედ ფიზიკური ანგარიშსწორების მუქარაც გაჩნდა.

სხვადასხვა არასამთავრობო ორგანიზაციების კვლევებით დასტურდება, რომ აღნიშნული ფეისბუქგვერდები ყველაზე ხშირად კრიტიკულ სიტუაციებში აქტიურდებიან. ისინი ოპოზიციური აზრის მქონე პოლიტიკოსებს ან სხვა პირებს ესხმიან თავს და მათ წინააღმდეგ ერთიან მესიჯს ავრცელებენ.

გაიგეთ მეტი ტროლებსა და ანტილიბერალურ ფეისბუქგვერდებზე:

გაიგეთ მეტი სინოდის სხდომასა და მეუფე პეტრეს განცხადებებზე:

მასალაში გამოყენებული მეუფე პეტრეს შეფასება გამოხატულია ჰომოფობიური სიტყვებით, თუმცა მაღალი საჯარო ინტერესიდან გამომდინარე On.ge მის სიტყვებს უცვლელად გთავაზობთ.