სინოდის სხდომის დასრულების შემდეგ მეუფე პეტრემ განაცხადა, რომ პატრიარქმა მღვდელმთავრობიდან გადააყენა. მისი თქმით, მიზეზი ეკლესიაში "მამათმავლობის მხილება" გახდა.

"დღეს წმინდა სინოდმა მიიღო უპრეცენდენტო გადაწყვეტილება, პირადად პატრიარქმა, სინოდის თავმჯდომარემ, მე მიმაჩნია, რომ უსამართლოდ განმაყენა მღვდელმთავრობიდან", — განაცხადა მან.

მოგვიანებით მეუფე პეტრემ განაცხადა, რომ თავად პატრიარქია "პიდარასტიისა და მამათმავლობის ცოდვით შეპყრობილი". On.ge ემიჯნება მეუფე პეტრეს ჰომოფობიურ განცხადებას, მაგრამ მაღალი საჯარო ინტერესის გამო გთავაზობთ ციტატას უცვლელად.

სინოდის სხდომა პირველმა მეუფე პეტრემ დატოვა. მისივე თქმით, სინოდმა მიიღო გადაწყვეტილება უშუამდგომლოს დეკანოზ გიორგი მამალაძეს შეწყალების საკითხზე. ამ ეტაპზე სხვა განხილული საკითხები უცნობია.

მასალაში გამოყენებული მეუფე პეტრეს შეფასება გამოხატულია ჰომოფობიური სიტყვებით, თუმცა მაღალი საჯარო ინტერესიდან გამომდინარე On.ge მის სიტყვებს უცვლელად გთავაზობთ.