მეუფე პეტრე ამბობს, რომ თავისი ბრალდებების დასამტკიცებლად მან სინოდის სხდომაზე დრო ითხოვა. საქმე ეხება პატრიარქის, ილია მეორის შესახებ ნათქვამს, რომ ის "პიდარასტიის სენით არის არის შეპყრობილი".

"მე ვითხოვ ჩემი ბრალდების დამტკიცებას. მომეცით ხვალამდე დრო 12 საათამდე, მე მოვიყვან მოწმეებს სინოდის სხდომაზე, რომლებიც დაამტკიცებენ ჩემს ბრალდებას", — თქვა მეუფე პეტრემ.

სინოდის სხდომის დასრულების შემდეგ მეუფე პეტრემ განაცხადა, რომ ეკლესიაში მამათმავლობის ცოდვის მხილების გამო ილია მეორემ მღვდელმთავრობიდან გადააყენა. მოგვიანებით კი აღნიშნა, რომ თავად პატრიარქია "პიდარასტიისა და მამათმავლობის ცოდვით შეპყრობილი".

პეტრემ განმარტა, რომ სიტყვა "პიდარასტიაში" "ჭაბუკის გამხრწნელი" იგულისხმა. მისი თქმით, ეს საეკლესიო ტერმინია და სხვას ვერაფერს დაარქმევს.

მასალაში გამოყენებული მეუფე პეტრეს შეფასება გამოხატულია ჰომოფობიური სიტყვებით, თუმცა მაღალი საჯარო ინტერესიდან გამომდინარე On.ge მის სიტყვებს უცვლელად გთავაზობთ.