შინაგან საქმეთა სამინისტროს განცხადებით, პირველ აგვისტოს სამტრედიაში მომხდარ ძალადობის საქმეზე 2 პირი დააკავეს. გამოძიების ვერსიით, ბრალდებულებმა ფიზიკური და სიტყვიერი შეურაცხყოფა მიაყენეს ცოლ-ქმარს, რის შემდეგაც შემთხვევის ადგილიდან მიიმალნენ.

საქმეზე დანიშნულია შესაბამისი ექსპერტიზები და მიმდინარეობს საგამოძიებო მოქმედებები დანაშაულის მოტივის, ასევე, დანაშაულში მონაწილე სხვა პირების დადგენის მიზნით.

გუშინ, პირველ აგვისტოს გავრცელდა ინფორმაცია, რომ წყვილზე ფიზიკური და სიტყვიერი შეურაცხყოფა შეიცავდა დისკრიმინაციულ და ჰომოფობიურ ნიშნებს. ადგილობრივის თქმით, ამ ისტორიაში ფიგურირებს სასულიერო პირიც. გამოძიება სისხლის სამართლის კოდექსის 126-ე მუხლით მიმდინარეობს, რაც ძალადობას გულისხმობს.