65 წლის ფეხბურთის გუნდის მწვრთნელს, რომელსაც არასრულწლოვან მოსწავლეთან გარყვნილი ქმედების ჩადენა ედებოდა ბრალად, 5 წლით თავისუფლების აღკვეთა მიესაჯა.

პროკურატურის ცნობით, სასამართლო პროცესზე გამოკვლეული მტკიცებულებებით დადგინდა, რომ 2018 წლის 23 მარტს, ფეხბურთელთა გუნდის 65 წლის მწვრთნელმა, მასწავლებელმა, არასრულწლოვან მოსწავლე გოგოსთან გარყვნილი ქმედება ჩაიდინა.

სამართალდამცველებმა მწვრთნელი 2018 წლის 31 მარტს დააკავეს. მას ბრალდად ედებოდა გარყვნილი ქმედება, დამნაშავისთვის წინასწარი შეცნობით 16 წლის ასაკს მიუღწეველთან.