"მეუფე შიოს ეს პასუხისმგებლობა მნიშვნელოვანი ეტაპია ჩვენი ეკლესიისა და ქვეყნის ცხოვრებაში" — პარტია სტრატეგია აღმაშენებელი სრულიად საქართველოს ახალი კათოლიკოს-პატრიარქის არჩევას ულოცავს.

"ვულოცავთ სრულიად საქართველოს ახალი პატრიარქის არჩევას!

მეუფე შიოს ეს პასუხისმგებლობა მნიშვნელოვანი ეტაპია ჩვენი ეკლესიისა და ქვეყნის ცხოვრებაში.

ვუსურვებთ მას ძლიერებასა და დღეგრძელობას ჩვენი ქვეყნისა და ხალხის საკეთილდღეოდ.

ერთობა და სულიერი სიმტკიცე ყოფილიყოს ჩვენი ქვეყნის წინსვლის საწინდარი!" — წერია განცხადებაში.

შეგახსენებთ, საქართველოს 142-ე კათოლიკოს-პატრიარქი სენაკისა და ჩხოროწყუს მიტროპოლიტი, საპატრიარქო ტახტის მოსაყდრე შიო მუჯირი გახდა. დღეიდან ასე იწოდება, როგორც მცხეთა-თბილისის მთავარეპისკოპოსი, ბიჭვინთის და ცხუმ აფხაზეთის მიტროპოლიტი და სრულიად საქართველოს კათოლიკოს-პატრიარქი შიო III.

ტახტის მოსაყდრემ კენჭისყრაზე 39 ხმიდან 22 ხმა მიიღო. დანარჩენი ორი კანდიდატიდან, მროველ-ურბნელმა მიტროპოლიტმა იობ აქიაშვილმა მიიღო 9 ხმა, ფოთისა და ხობის მიტროპოლიტმა გრიგოლ ბერბიჭაშვილმა 7 ხნა, 1 ხმა გაუქმდა.

ამასთან, შიო III-ის ინტრონიზაცია დღეს, 12 მაისს, სვეტიცხოვლის საკათედრო ტაძარში იმართება. ამის შესახებ თავად მეუფე შიომ პატრიარქად გამორჩევის შემდეგ წარმოთქმულ სიტყვაში განაცხადა.