"შენდობას წინ ყოველთვის უძღვის სინანული, ეს არის ერის კანონი და ეს არის ეკლესიის კანონიც", — ამის შესახებ შალვა პაპუაშვილმა ჟურნალისტებთან პოლიტპატიმრების შეწყალებაზე საუბრისას განაცხადა. მისი თქმით, ამ ადამიანებმა [პოლიტპატიმრებმა] სცადეს "ადამიანების ცოცხლად დაწვა, პარლამენტის დაწვა და ქვეყნის დამხობა", ამიტომ პირველად ჩადენილისადმი სინანულზე უნდა ვისაუბროთ.

"პირველეს ყოვლისა, შეწყალება ჩემი კომპეტენცია არ გახლავთ. თუმცა შემიძლია გითხრათ ერთი რამ: შენდობას წინ ყოველთვის უძღვის სინანული, ეს არის ერის კანონი და ეს არის ეკლესიის კანონიც. ამიტომ ითქვა არაერთხელ რომ მნიშვნელოვანია, უპირველს ყოვლისა, შეწყალებამდე ვისაუბროთ სინანულზე.

არის თუ არა სინანული იმ ადამიანებში, რომლებმაც სცადეს ადამიანების ცოცხლად დაწვა მოლოტოვის კოქტეილებით , არის თუ არა სინანული იმ ადამიანებში, რომლებმაც სცადეს საქართველოს პარლამენტის გადაწვა, არის თუ არა სინანული იმ ადამიანებში, რომლებმაც სცადეს ქვეყნის დამხობა?" — განაცხადა საქართველოს პარლამენტის თავჯდომარემ.