"მომხრე ვარ, როგორც ჰუმანური მიდგომის, ისე, სასჯელების შემსუბუქების, ადამიანების ვადაზე ადრე გათავისუფლების, შეწყალების" — განაცხადა საქართველოს სახალხო დამცველმა, ლევან იოსელიანმა "ტვ პირველის" ჟურნალისტთან საუბრისას.

მისი თქმით, იგი მომხრეა ყველა იმ მექანიზმის, რაც პატიმრების ვადაზე ადრე გათავისუფლებას შეუწყობს ხელს.

"მე მომხრე ვარ, როგორც ჰუმანური მიდგომის, ისე, რა თქმა უნდა, მომხრე ვარ სასჯელების შემსუბუქების, ადამიანების ვადაზე ადრე გათავისუფლების, შეწყალების — ყველა იმ მექანიზმის, რაც ხელს უწყობს, ადამიანებმა ვადაზე ადრე დატოვონ საპყრობილე. რა თქმა უნდა, იმ ადამიანების მიმართაც იგივე დამოკიდებულება მაქვს, რომლებიც ახლა სასჯელს იხდიან," — განაცხადა იოსელიანმა.

აღსანიშნავია, რომ სახალხო დამცველს არ დაუკონკრეტებია, ჰქონდა თუ არა საპატრიარქოს მხრიდან ოფიციალური ინფორმაცია ან კომუნიკაცია შესაძლო შუამდგომლობის შესახებ.