სვეტიცხოველის საკათედრო ტაძარში შიო III სრულიად საქართველოს კათოლიკოს-პატრიარქად აკურთხეს. პატრიარქის აღსაყდრების რიტუალი 12 მაისს 10:00 საათიდან დაიწყო. მცხეთაშ მრევლმა შეკრება დილიდან დაიწყო. სვეტიცხოველში მივიდა და ცერემონიას ესწრებოდა ქართული ოცნების საპატიო თავმჯდომარე ბიძინა ივანიშვილი და მთავრობის წარმომადგენლები: ირაკლი კობახიძე, მიხეილ ყაველაშვილი, შალვა პაპუაშვილი და ოცნების სხვა მაღალჩინოსნები.

საქართველოს 142-ე კათოლიკოს-პატრიარქი შიო III გახდა

საქართველოს 142-ე კათოლიკოს-პატრიარქი სენაკისა და ჩხოროწყუს მიტროპოლიტი, საპატრიარქო ტახტის მოსაყდრე შიო მუჯირი გახდა. დღეიდან ის იწოდება, როგორც უწმინდესი და უნეტარესი, სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი და ბიჭვინთისა და ცხუმ-აფხაზეთის მიტროპოლიტი შიო III.
ტახტის მოსაყდრემ კენჭისყრაზე 39 ხმიდან 22 მიიღო. დანარჩენი ორი კანდიდატიდან, მროველ-ურბნელმა მიტროპოლიტმა იობ აქიაშვილმა მიიღო 9 ხმა, ფოთისა და ხობის მიტროპოლიტმა გრიგოლ ბერბიჭაშვილმა — 7 ხმა, 1 ხმა გაუქმდა