საქართველოს შინაგან საქმეთა სამინისტროში ამბობენ, რომ გამოძალვის ბრალდებით ორი პირი დააკავეს.

"გამოძიებით დადგინდა, რომ ბრალდებულები 1986 წელს დაბადებულ ბ.მ.-ს სიცოცხლის მოსპობის მუქარით, 2 000 აშშ დოლარს სძალავდნენ. სამართალდამცველებმა ბრალდებულები მანამდე დააკავეს, ვიდრე დაზარალებული მათ მოთხოვნილ თანხას გადასცემდა", - აცხადებენ შსს-ში.

საქმეზე გამოძიება სისხლის სამართლის კოდექსის 181-ე მუხლის მეორე ნაწილის "ა" ქვეპუნქტით მიმდინარეობს. ამ მუხლით, ჯგუფურად ჩადენილი გამოძალვა ისჯება თავისუფლების აღკვეთით ვადით ოთხიდან შვიდ წლამდე.