BBC-ის გამოძიებაზე საუბრისას ოცნების დანიშნული პრეზიდენტი მიხეილ ყაველაშვილი აცხადებს, რომ "ყველას გასცემენ სათანადო პასუხს, ამისთვის ძალიან ძლიერები არიან". მისივე თქმით, "ვახტანგ გომელაურიც გასცემს სრულყოფილად პასუხს ყველაფერზე".

"დაველოდოთ გამოძიებას. ჩვენ ვართ პასუხისმგებლიანი ხელისუფლება. მოვუწოდებ სამართალდამცავ ორგანოებს, სრულყოფილად იქნეს გამოძიებული. ქილიკის საგანია ხოლმე, ვინ დგას ამ ძალების უკან. როგორ ხდება, რომ მედიასაშუალებები, არასამთავრობო ორგანიზაციები, პოლიტიკური პარტიები სინქრონულად, ერთ ხმაში საუბრობენ, არცერთს არ დაუსვამს კითხვა არც გამოძიებაზე, არც იმაზე, სიმართლეა თუ არ არის სიმართლე, პირდაპირ იწყებენ შეტევას სახელმწიფოზე, ხელისუფლებაზე.

...ჩვენ ყველას გავცემთ სათანადოდ პასუხს. ძალიან ძლიერები ვართ ამისთვის. პირიქით, მოვუწოდებ ჩვენს ხელისუფლებას, არ დაიხიოს უკან. აღარ არის არც ქილიკის დროს. ეს ადამიანები, საქართველოს მოქალაქეები ბედავენ, რომ თავისი სახელმწიფოს წინააღმდეგ არგადამოწმებულ ინფორმაციას აწვდიან, რომ ეს მართლა არსებობდა. ვარაუდის საშუალებით [...] ვახტანგ გომელაურიც გასცემს სრულყოფილად პასუხს ყველაფერზე. გამოძიება დაწყებულია. თქვენც გაგეცემათ პასუხი, თქვენს ქმედებაზე, უპასუხისმგებლო რომ ხართ და უთავმოყვარეო რომ არის თქვენი ტელევიზია", — აცხადებს მიხეილ ყაველაშვილი ტვ პირველის ჟურნალისტთან საუბრისას.

შეგახსენებთ, BBC-ს ცნობით, ქართულმა ოცნებამ გასული წლის საპროტესტო აქციების დასაშლელად მოქალაქეების წინააღმდეგ პირველი მსოფლიო ომის ქიმიური იარაღი გამოიყენა.

მეტი BBC-ის გამოძიებაზე:


.