"BBC-ის მიერ გავრცელებული ინფორმაცია ჩვეულებრივი სისულელეა — თუკი რაიმე სიბინძურე შეიძლება, ყველაფერს კადრულობენ, — ამის შესახებ თბილისის მერმა კახა კალაძემ, დღეს ქართველ ჟურნალისტებთან BBC-ის მიერ გამოქვეყნებული მასალის კომენტირებისას განაცხადა.

მისი თქმით, საქართველოზე მიმდინარეობს შეტევა და ყველაფერს აკეთებენ, რომ ტყუილით გაჯერებული ინფორმაციები გაავრცელონ.

"ეს არის ჩვეულებრივი სისულელე. ხედავთ, როგორ მიდის შეტევა ჩვენს ქვეყანაზე — თუკი რაიმე სიბინძურე შეიძლება, ყველაფერს კადრულობენ, ყველაფერს აკეთებენ, რათა გაავრცელონ ინფორმაციები, რომელიც მხოლოდ და მხოლოდ ტყუილით არის გაჯერებული.
არ ვიცი, საერთოდ ღირს, თუ არა სერიოზული პასუხის გაცემა ამ ტიპის სისულელეებზე", — აღნიშნა კახა კალაძემ BBC-ის ჟურნალისტურ გამოძიება მედიასთან საუბრისას.

BBC-ის ინფორმაციით, "ქართულმა ოცნებამ” 2024 წლის აქციებზე დემონსტრანტების დასაშლელად I მსოფლიო ომის დროინდელი ტოქსიკური ნაერთი "კამიტე" გამოიყენა.