ოცნების პრემიერი ირაკლი კობახიძე გამოეხმაურა BBC-ის გამოძიებას იმის შესახებ, სადაც ნათქვამია, რომ 2024 წელს ქართულმა ოცნებამ პროევროპული საპროტესტო აქციების დასარბევად პირველი მსოფლიო ომის დროინდელი ქიმიური იარაღი გამოიყენა.

კობახიძე აცხადებს, რომ არ შეიძლება BBC ხელმძღვანელობდეს იგივე სტანდარტებით, რითაც ხელმძღვანელობენ "ფეიქი" ტელევიზიები საქართველოში და ყველა კითხვაზე პასუხს შსს და შს მინისტრი გასცემენ.

"სამწუხაროდ, BBC რომელიც იყო თავის დროზე მაღალი რეპუტაციის მქონე ტელევიზია, დღეს ასეთ სისულელეს ავრცელებს. უფრო დეტალურ ინფორმაციას გაავრცელებს ამ თემაზე შს მინისტრი, შსს, მაგრამ წინასწარ შემიძლია გითხრათ, რომ სამწუხაროდ BBC-ის ხელით გავრცელდა აბსოლუტურად ტყუილი ინფორმაცია, არ შეიძლება BBC საერთაშორისო მედია ხელმძღვანელობდეს იგივე სტანდარტებით, რითაც ხელმძღვანელობენ "ფეიქი" ტელევიზიები საქართველოში. თუმცა ჩვენ ვხედავთ რომ აბსოლუტურად გათანაბრებული სტანდარტები, უარყოფითი გაგებით, მარტივი ტყუილიც შეიძლება იკადროს BBC-მ, რაც აირს ძალიანა სამწუხარო და დასანანი. ... ტყუილია] არის ტყუილი. დანარჩენი ყველაფერი არის მეორეხარისხოვანი, როდესაც BBC კადრულობს ტყუილს ამას სჭირდება სათანადო შეფასება. ...ფაქტებით მტკიცდება, რომ ეს იყო ტყუილი. ამაზე შსს გაავრცელებს ინფორმაციას და შსს მოგაწვდით დეტალურ ინფორმაციას იმასთან დაკავშირებით რა ტყუილი იკადრა BBC-მ. ...თავისთავად ის ფაქტორი რომ ჩახუნაშვილის დასკვნას ეყრდნობა BBC მეტყველებს ამ ტელევიზიაში სტანდარტების დონეზე. ეს დონე არის ძალიან დაბლა დასული. ყველას ძალიან კარგად მოეხსენება, რომ მამა-შვილი ჩახუნაშვილი არიან რადიკალური აქციების გულმხურვალე მონაწილეები. ერთ-ერთი მათგანი მონაწილეობდა პრეზიდენტის სასახლეზე შტურმში. ...რა ნივთიერებები იყო გამოყენებული, ჯერ ერთი, პირველ რიგში ეს ნივთიერება არის შეძენილი 2009 წელს. რაც შეეხება კონკრეტულ დასახელებულ ნივთიერებას, ამ ნივთიერებას საერთოდ არ შეიცვას კონკრეტული მასალა. აქედან გამომდინარე, შსს გეტყვით რა ტყუილი გაავრცელა BBC-იმ", — თქვა კობახიძემ.