ფასიანი ქაღალდები, საფონდო ბირჟას და ინვესტირება საქართველოში, უმრავლეს შემთხვევაში, დიდ კაპიტალთან და ხანგრძლივ პროცედურებთან ასოცირდება. ამას ემატება ისიც, რომ საქართველოს საფონდო ბირჟის ბრუნვა დღიურად 3 ან 5 ლარია და შეიძლება მთელი კვარტალი ისე გავიდეს, რომ ერთი ტრანზაქციაც კი არ დაფიქსირდეს. ეს არც თუ სახარბიელო რეალობა საქართველოს ბანკმა 2021 წელს შეცვალა და მობილბანკში ინვესტირების ფუნქციონალი დაამატა.

სულ ახლახან კი საქართველოს ბანკის მიერ ინვესტირებაზე საკომისიოების შემცირების შემდეგ, მობილური აპლიკაციის მეშვეობით აქციებით ვაჭრობა კიდევ ურო გამარტივდა. 1-ლი დეკემბრიდან აქციის ყიდვის საკომისიო ტრანზაქციის 0,3% (მინიმუმ $0,5 და მაქსიმუმ $10) ხდება. $5000-მდე პორტფელზე 75%-ით $0,5-მდე შემცირდა ყოველთვიური საკომისიოც, უფრო დიდ თანხებზე მომსახურების საფასური აქტივების 0.01% იქნება.

SOLO-სა და Wealth Management-ის მომხმარებლებისთვის პლატფორმის გამოყენება სრულიად უფასო გახდება, ანგარიშის გახსნის შემდეგ კი 3 ტრანზაქციას საკომისიოს გარეშე განახორციელებენ.

თუ ჯერ კიდევ არ დაგიწყია ინვესტირება, ამ სტატიაში გიამბობთ, როგორ გახსნა საინვესტიციო ანგარიში მობილბანკში.

1. გადმოწერე საქართველოს ბანკის მობილბანკი

ინვესტირების დასაწყებად პირველ რიგში მობილბანკით სარგებლობაა აუცილებელი.

თუ ჯერ კიდევ არ გაქვს მობილბანკი, აპლიკაციის გადმოწერა Google Pay-დან და App Store-დან რამდენიმე წამში შეგიძლია.

2. იპოვე ინვესტიციები აპლიკაციაში

შემდეგი ნაბიჯი "პროდუქტების" ღილაკზე თითის დაჭერისას "ინვესტიციებზე" გადასვლაა, რასაც "ანგარიშის გახსნა" მოსდევს.

2. გაიარე რეგისტრაცია ელექტრონული ფოსტით

წესებისა და პირობების დათანხმების შემდეგ უკვე ელ.ფოსტის შეყვანა დაგჭირდება, სადაც დადასტურების კოდს მიიღებ.

კოდის შეყვანის შემდეგ კი შემდეგ მარტივი ანკეტაა შესავსები, სადაც დასაქმების ადგილისა და შემოსავლის შესახებ უნდა შეავსო ველები.

3. გაიარე ვერიფიკაცია

ბოლოს კი, რეგისტრაციის დასასრულებლად, ID ბარათით ან პასპორტითა ვერიფიკაციის გავლაა საჭირო. ამისთვის დოკუმენტის ორივე მხარეს უნდა გადაუღო ფოტო.

შემდეგ კი საჭიროა, დაეთანხმო პირობებს კიდევ ერთხელ და გადაამოწმო მითითებული ინფორმაცია.

4. ადევნე თვალყური აქციების ფასებს

საინტერესოა, რომ მობილბანკში ყოველდღიურად შეგიძლია ადევნო თვალყური საფონდო ბირჟას. აქ კომპანიების ჩამონათვალი და მათი აქციების ფასები მაშინაცაა ხელმისაწვდომი, როცა ჯერ კიდევ არ გაქვს გავლილი რეგისტრაცია. მეტიც, ინვესტიციების ფუნქციონალში საკუთარი სიების შედგენაც შეგიძლია, რომ უფრო ორგანიზებულად შეძლო შენთვის საინტერესო საინვესტიციო კომპანიების შესახებ ინფორმაციის მიღება.

ინვესტიციები საქართველოს ბანკისა და Galt & Taggart-ის ერთობლივი პროექტია. მომხმარებელს სმარტფონის საშუალებით Tesla-ს, Microsoft-ის, Apple-ის, Amazon-ისა თუ სხვა მისთვის საინტერესო გლობალური მასშტაბის კომპანიის აქციების შეძენა შეუძლია. ამისთვის ახლა აღარც ხანგრძლივი პროცედურებია საჭირო და აღარც დიდი საწყისი კაპიტალი, მარტივი რეგისტრაციის შემდეგ, ინვესტირების დაწყება $1-დანაც შეიძლება.

მობილბანკით ინვესტირებას რამდენიმე უპირატესობა აქვს:

• აქ საინვესტიციო პროდუქტების დიდი არჩევანია;
• წვდომა გაქვს ამერიკულ ბირჟებზე განთავსებულ ათასობით აქციაზე;
• ანგარიში დაზღვეულია $500,000-მდე SIPC-ის მიერ;
• კაპიტალური მოგება საქართველოს მოქალაქეებისათვის არ იბეგრება.

ინვესტირება საბანკო დეპოზიტთან შედარებით უფრო რისკიანი საქმიანობაა, მაგრამ ბევრად მაღალია შესაძლო მოგების ალბათობაც. ფასიანი ქაღალდების ყველაზე ცნობილი მაგნატის, უორენ ბაფეტის ქონება 2022 წლის დეკემბერში Forbes-ის შეფასებით $110 მილიარდს შეადგენს, რაც მას პლანეტის უმდიდრეს ადამიანთა ხუთეულში ყოფნის საშუალებას აძლევს.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.