კალმარის თამაშების ბოლო, მესამე სეზონი, რომელიც გასულ პარასკევს გამოვიდა, ნეტფლიქსის ახალ რეკორდს ხსნის — პრემიერიდან მხოლოდ პირველი სამი დღის განმავლობაში, კორეულმა დრამამ 60.1 მილიონი ნახვა დააგროვა.

ამ შთამბეჭდავი საწყისი სტატისტიკით, კალმარის თამაშების მესამე სეზონი უკვე ნეტფლიქსის მე-9 ყველაზე ყურებადი არაინგლისურენოვანი სატელევიზიო შოუა.

შედარებისთვის, კალმარის თამაშების მეორე სეზონმა 68 მილიონი ნახვა დააგროვა პირველ 4 დღეში, რაც იმ დროისთვის ნეტფლიქსის ყველა სხვა სერიალთან შედარებით ყველაზე მაღალი პირველკვირეული მაჩვენებელი იყო. ბოლო რეკორდი ეკუთვნოდა სერიალ Wednesday-ს, რომელმაც 2022 წელს, სადებიუტო კვირაში 50.1 მილიონი ნახვა მოაგროვა.

გი-ჰუნი კალმარის თამაშების მესამე სეზონში

გი-ჰუნი კალმარის თამაშების მესამე სეზონში

ფოტო: Netflix

გამოსვლის პირველ კვირაში, ყველაზე ყურებად არაინგლისურენოვან სატელევიზიო შოუებს შორის კალმარის თამაშების მეორე სეზონიც მოხვდა. ამჟამად, სიის პირველ და მეორე ადგილს სწორედ კალმარის თამაშების პირველი და მეორე სეზონები იკავებენ.

ხოლო სერიალის მესამე სეზონი გი-ჰუნის შესახებ მოგვითხრობს, რომელიც იმის იმედით, რომ თამაშებს დაამარცხებს, სასიკვდილო შეჯიბრში მონაწილეობას განაგრძობს.

აღსანიშნავია, რომ სეზონმა კრიტიკოსებისგან არაერთი დადებითი შეფასება მიიღო, თუმცა მაყურებლის რეაქცია არაერთგვაროვანია.

მიუხედავად იმისა, რომ ეს სერიალის ბოლო სეზონი იყო, მისი უკანასკნელი სცენა მომავლის პერსპექტივებზე მიგვანიშნებს — მოქმედების ლოს ანჯელესში გადასვლა და ცნობილი ამერიკელი მსახიობის მოულოდნელი გამოჩენა ნიშანია, რომ თამაშები ჯერ არ დასრულებულა, ისინი უბრალოდ ახალ გეოგრაფიულ არენაზე გადაინაცვლებს. შესაძლოა, ეს დასასრული ახალი დასაწყისის სიმბოლო იყოს — ახალი ფორმატით, ახალი სივრცითა და ახალი მოთამაშეებით.

იხილეთ მესამე სეზონის ტრეილერი: