ტექნოლოგიური სცენა, რომელიც გლობალურ ტრენდებსა და ადგილობრივ ინოვაციებს აერთიანებს — სწორედ ასე შეიძლება მოკლედ შევაფასოთ Change Inspire, ტექ. კონფერენცია, რომელიც ნიშური შეხვედრიდან საქართველოსა და რეგიონში ერთ-ერთ ყველაზე მასშტაბურ ტექნოლოგიურ მოვლენად იქცა. წელს ღონისძიების Game Changer პარტნიორი საქართველოს ბანკია — ფინანსური ინსტიტუტი, რომელიც AI ინოვაციების მხარდამჭერია და მას ბიზნესის ტრანსფორმაციისთვისაც აქტიურად იყენებს.

Change Inspire უკვე მეექვსედ იმართება და კიდევ ერთხელ გვპირდება, რომ ყოველთვის იქნება სივრცე, სადაც ინოვატორები შეხვდებიან ერთმანეთს, გაცვლიან გამოცდილებას და ერთად უპასუხებენ შეკითხვას: როგორი უნდა იყოს ტექნოლოგიური პროგრესი რეალურ სამყაროში.

2025 წლის კონფერენციის მთავარი თემა, AI ჩემპიონთა ლიგა, ყურადღებას ამჯერად სრულად ხელოვნურ ინტელექტზე ამახვილებს. სცენაზე კი ერთმანეთს გლობალური და ადგილობრივი კომპანიების ლიდერები შეხვდებიან.

და მაინც, რა დაგხვდებათ Change Inspire-ზე?

რა არის Change Inspire?

Change Inspire — საქართველოს ყველაზე მასშტაბური ტექ კონფერენციაა, რომელიც ყოველწლიურად იმართება და ინოვაციების, ტექნოლოგიებისა და ბიზნესის გადაკვეთის არეზე კონცენტრირდება. ღონისძიება HT Solutions-ის ორგანიზებით ტარდება და წლიდან წლამდე სულ უფრო იზრდება. წელს კონფერენციაზე 40-ზე მეტ სპიკერსა და 600-ზე მონაწილეს ელოდებიან.

საქართველოს ბანკის რვა სპიკერი სცენაზე

საქართველოს ბანკი წელს რვა გამომსვლელით წარსდგება, რომლებიც საკუთარ გამოცდილებას ფართო აუდიტორიას გაუზიარებენ და მიმოიხილავენ, როგორ ეხმარება AI ბიზნესის ზრდას, ეფექტიანობასა თუ ციფრულ ტრანსფორმაციას.

საქართველოს ბანკის სპიკერები იქნებიან

  • ვაჟა მანტუა — Where BoG Tech Strategy Meets AI
  • მიხეილ ნადარეიშვილი — Disrupting Ourselves through AI: the Case of Bank of Georgia
  • ედგარ ბრუტიანი — Human-Led, AI-Powered: Inside Our Generative AI Integration Journey
  • თამარ გრიგალაშვილი, ნიკა ჭონიშვილი & ალექსანდრ ბერნადსკი (AWS) — Elevating Customer Support Productivity with GenAI
  • ალექსანდრე ხორბალაძე — AI Code Reviewer
  • ნინო სასანია — The Power of Data Literacy
  • გიორგი მერკვილაძე –—Enterprise Data Repository

სამი სცენა

კონფერენცია რამდენიმე სცენას აერთიანებს, თითოეული სხვადასხვა სიღრმესა და ინტერესს ეხმიანება:

Champions Stage — ბიზნესის ლიდერების სცენაა. აქ AI-ს მეშვეობით ინდუსტრიების გარდაქმნის ინოვაციური სტრატეგიები და ხედვები იქნება განხილული.

Tech Deep Dive Stage ტექ. პროფესიონალებისთვისაა — ამ სცენაზე ისაუბრებენ საუკეთესო საინჟინრო მიდგომებზე, AI-ს რეალურ გამოყენებასა და IT პროფესიონალებისთვის საინტერესო ქეისებზე.

Workshop Stage კი ინტერაქტიური და პრაქტიკული სივრცეა, სადაც მონაწილეები უშუალოდ გაეცნობიან AI-ს ხელსაწყოებს, ჩარჩოებს და მათი დანერგვის სტრატეგიებს.

რატომ უნდა დაესწრო?

  • ნახავ, როგორ იყენებენ AI-ს წამყვანი კომპანიები პრაქტიკაში;
  • გაიცნობ ადამიანებს, რომლებიც ქმნიან ტექნოლოგიურ მომავალს;
  • მოისმენ რეალურ ქეისებს საქართველოს ბანკის კულტურიდან;
  • მიიღებ კონკრეტულ რ ჩევებს შენი კომპანიის ან იდეის განვითარებისთვის.


დამატებითი ინფორმაციისთვის და ბილეთების შესაძენად ეწვიეთ ვებგვერდს.