"ანტიამერიკული ქართული ოცნების რეჟიმი თეირანის ტერორისტული რეჟიმის საელჩოში მივიდა, რომელიც "ისრაელის რეჟიმის თავდასხმის დროს დაღუპულ მოწამეთა ხსოვნას” მიეძღვნა და ტერორისტებს სოლიდარობა გამოუცხადა", — ამერიკელი სენატორი ჯო უილსონი 2 ივლისს, ოცნების ხელისუფლების საგარეო საქმეთა მინისტრის მოადგილის, ალექსანდრე ღვთისიაშვილის ირანის საელჩოში მისვლას და მათთვის სოლიდარობის გამოცხადებას ეხმაურება.

მისი თქმით, ქართულ ოცნებას უყვარს ტერორისტული ირანი და ჩინეთის კომუნისტური პარტია და სძულს ამერიკა".

"ანტიამერიკული “ქართული ოცნების” რეჟიმი თეირანის ტერორისტული რეჟიმის საელჩოში მივიდა, რომელიც “ისრაელის რეჟიმის თავდასხმის დროს დაღუპულ მოწამეთა ხსოვნას” მიეძღვნა და ტერორისტებს სოლიდარობა გამოუცხადა. ქართულ ოცნებას უყვარს ტერორისტული ირანი და ჩინეთის კომუნისტური პარტია და სძულს ამერიკა", - წერს სოციალურ ქსელში ამერიკელი სენატორი ჯო უილსონი.

შეგახსენებთ, რომ გუშინ, 2 ივლისს, "ოცნების" საგარეო საქმეთა მინისტრის, მაკა ბოჭორიშვილის მოადგილე, ალექსანდრე ხვთისიაშვილი საქართველოში ირანის საელჩოში მივიდა და სოლიდარობა გამოხატა ირანში "ისრაელის რეჟიმის თავდასხმის დროს დაღუპულთა" მიმართ.

მომხდარს გუშინვე გამოეხმაურა საქართველოში ისრაელის საელჩო. მათ მიერ გავრცელებულ განცხადებაში ნათქვამია, რომ ისინი ფაქტით "შეძრწუნებულები არიან".

"შევძრწუნდით, როდესაც გავიგეთ, რომ საქართველოს საგარეო საქმეთა მინისტრის მოადგილე დაესწრო სოლიდარობის ღონისძიებას თბილისში, ირანის საელჩოში. იმ დროს, როცა დასავლეთი გმობს ირანის თავდასხმებს ისრაელის მშვიდობიან მოსახლეობაზე და მხარს უჭერს მისი ბირთვული და გენოციდური ამბიციების შეჩერების მცდელობებს, ღრმა იმედგაცრუებას იწვევს საგარეო საქმეთა მინისტრის მოადგილის მონაწილეობა ასეთ ღონისძიებაში. ეს მორალურად არასწორია", — ნათქვამია საქართველოში ისრაელის საელჩოს განცხადებაში.