"მოიხედე ერთი წამით, რა დღეში ხარ? მითხარი, რა. რა დღეში ხარ, გამაგებინე?", — ასე მიმართა ოცნების პარლამენტის დროებითი საგამოძიებო კომისიის წევრმა, ალუდა ღუდუშაურმა ყოფილ შს მინისტრ გიორგი გახარიას საგამოძიებო კომისიის სხდომაზე.

"გიორგი, მოიხედე ერთი წამით, რა დღეში ხარ? მითხარი, რა. რა დღეში ხარ, გამაგებინე? რა იყო შეგეშინდა, წახვედი, ახლა ონლაინ ხარ, გგონია, რომ შორს ხარ, დგახარ და გგონია, რომ "ბლატაობ", ხომ? ცოტა თავი გააკონტროლე. შენ ეტყობა "თუთაშხიას" ბევრს უყურებდი, გაპარვის ეპიზოდი რომაა, ხომ იცი - "რა საოცრად წავიდაო". ჰოდა, გაეცი ახლა პასუხები კითხვებს. უყურებ ერთი ამას, "ბლატაობს" აქ..." — თქვა ალუდა ღუდუშაურმა სხდომაზე.

დღეს 16:00 საათზე დაგეგმილი ე.წ. საგამოძიებო კომისიის სხდომა მცირედი დაგვიანებით დაიწყო. კომისიის თავმჯდომარის კითხვაზე, რას უკავშირდებოდა კომისიაზე დაბარების მიუხედავად ქვეყნის დატოვება, გიორგი გახარიამ განაცხადა, რომ გერმანიაში წასვლა და გერმანიის სოციალ-დემოკრატიული პარტიის კონგრესზე დაასწრება 2 თვით ადრე ჰქონდა დაგეგმილი.