ინტერნეტში კრისტოფერ ნოლანის ახალი მძაფრსიუჟეტიანი ეპიკური ფილმის ოდისეას თრეილერი დაუგეგმავად ვრცელდება.

Hollywood Reporter-ის ცნობით, თრეილერი კინოთეატრებში გარეთ ედვარდსის გახმაურებული ფილმის — იურული სამყარო: გამოღვიძება — შემდეგ აჩვენეს, რომლის პრემიერა სამშაბათს შედგა.

"ზევსის კანონი ნამსხვრევებად იქცა. მას შემდეგ, რაც ჩემი ბატონი გარდაიცვალა, მეფის გარეშე დავრჩი. მან იცოდა, რომ ეს მოუგებელი ომი იყო. და შემდეგ, როგორღაც, მან გაიმარჯვა", — ამბობს ჯონ ბერნთალის პერსონაჟი.

თრეილერი იწყება სცენით, სადაც ოდისევსის (მეთ დეიმონი) შვილი, ტელემაქე (ტომ ჰოლანდი) ესაუბრება ჩვენთვის უცნობ პერსონაჟს, რომლის როლსაც ჯონ ბერნთალი მოირგებს.

კადრი ფილმიდან "ოდისეა"

კადრი ფილმიდან "ოდისეა"

ფოტო: Universal

"უნდა გავიგო, რა დაემართა მამაჩემს", — ამბობს ტელემაქე. მომდევნო კადრში ბერნტალის პერსონაჟი ჰყვება — "ვინ იცის ოდისევსის ისტორია? შენ? შენ იცი ისტორია? ზოგი ამბობს, რომ ის მდიდარია. ზოგი ამბობს, რომ ღარიბია. ზოგი ამბობს, რომ დაიღუპა. ზოგი ამბობს, რომ დააპატიმრეს".

მეთ დეიმონის, ტომ ჰოლანდის და ჯონ ბერნთალის გარდა, ფილმში ასევე ვიხილავთ, ზენდეიას, რობერტ პატინსონს, ლუპიტა ნიონგოს, მია გოთს და სხვა მსახიობებს.

ფოტო: IndieWire

წყაროს ინფორმაციით, ფილმის ბიუჯეტი 250 მილიონ დოლარს შეადგენს, რაც ოდისეას ნოლანის კარიერაში ყველაზე ძვირადღირებულ ფილმად აქცევს.

შეგახსენებთ, რომ კრისტოფერ ნოლანის ბოლო ფილმმა, ოპენჰაიმერმა, მაყურებელი აღაფრთოვანა.

ფოტო: Universal Pictures

კილიან მერფისა და ემილი ბლანტის მონაწილეობით გადაღებულმა ფილმმა მრავალი ჯილდო მიიღო, მათ შორის ოსკარი საუკეთესო ფილმისთვის, საუკეთესო რეჟისორისთვის (ნოლანი), საუკეთესო მსახიობის (მერფი) და საუკეთესო მსახიობის მეორეხარისხოვან როლზე (რობერტ დაუნი უმცროსი) და 975 მილიონი დოლარის შემოსავლით, 2023 წლის საუკეთესო შემოსავლიან ფილმებს შორის მესამე ადგილი დაიკავა.

რაც შეეხება ოდისეას, ჯერჯერობით ფილმის გადაღებები დასრულებული არ არის და მას კინოთეატრებში 2026 წლის 17 ივლისს ვიხილავთ.

ნახეთ ფილმის თიზერი: