ბათუმში მეზღვაურთა საერთაშორისო დღე წელს 1 ივლისს აღინიშნა. SOLO კი ტრადიციულად, უკვე მე-6 წელია ღონისძიების მხარდამჭერია.

საქართველოში სხვა საზღვაო ქალაქების მსგავსად, მეზღვაურთა საერთაშორისო დღის აღნიშვნა 2011 წლიდან დაიწყო. ბათუმში საზეიმო ცერემონია შემეცნებით-კულტურული პროგრამებითა და გასართობი ღონისძიებებით აღინიშნება.

წელს SOLO-მ გადაწყვიტა ეს დღე განსაკუთრებულად დასამახსოვრებელი ყოფილიყო მეზღვაურებისთვის და ბათუმის SOLO ლაუნჯის ვიტრინები ტრიკოლორთან ერთად ზღვის თემატიკით გააფორმა.

“ბათუმის ახალი ვიტრინა მეზღვაურის დღეს მიეძღვნა. დიზაინში ზღვის თემატიკის ელემენტები გვაქვს გამოყენებული: ტალღები, გემები, თოლიები და მზის ჩასვლა — ყველაფერი, რაც ზღვას მოგვაგონებს პალიტრა შედგება ბუნებრივი ფერებისგან: ლურჯის სხვადასხვა ტონალობა, თეთრი, ასევე თბილი მზისა და მზის ჩასვლის“ფერები. სხვადასხვა მასალის კომბინაციით მივაღწიეთ მოცულობისა და მოძრაობის ეფექტს. ისე, თითქოს ზღვა ნამდვილად ცოცხლდება ვიტრინაში“ — ამბობს ნინო კალანდაძე, ტრიკოლორის კრეატიული დირექტორი.

“SOLO უკვე წელია, მეზღვაურთა დღის მხარდამჭერია და ჩვენი ორგანიზებით ეს დღე ყოველთვის საზეიმოდ აღინიშნება. უკვე 6 წელია ჩვენი წვლილი შეგვაქვს, იმისთვის, რომ ეს დღე განსაკუთრებული გახდეს მეზღვაურებისთვის,“ — ამბობს ლიზა ქისტაური, SOLO-ს ბრენს მენეჯერი.