სტამბოლის მერის, ექრემ იმამოღლუს დაკავებიდან მეასე დღეს სტამბოლში მასშტაბური აქცია გაიმართა, სადაც დემონსტრანტებსა და პოლიციას შორის შეტაკებები მოხდა.

Reuters-ის ცნობით, პოლიციამ აქციის მონაწილეების დასაშლელად წიწაკის სპრეი გამოიყენა.

პოლიციამ დააკავა მომიტინგეები, რომლებმაც მათი მოთხოვნის მიუხედავად, ტერიტორია არ დატოვეს.

"ჩვენ დღეს აქ ვართ, რათა გავაპროტესტოთ უკანონობა და დავიცვათ დაკავებული მერი, ასევე პოლიციის მტრული დამოკიდებულება სტუდენტების მიმართ", — თქვა ერთ-ერთმა მომიტინგემ.

თურქეთის მთავარმა ოპოზიციურმა პარტიამ, "რესპუბლიკურმა სახალხო პარტიამ" (CHP), მათი პრეზიდენტობის კანდიდატის, ექრემ იმამოღლუს დაკავება და შემდგომი დაპატიმრება სახელმწიფო გადატრიალებად შეაფასა. ბრალდებების საპასუხოდ მოქმედი პრეზიდენტის, რეჯეფ თაიფ ერდოღანის "სამართლიანობისა და განვითარების პარტია" აცხადებს, რომ ქვეყენაში სასამართლოები დამოუკიდებელია.