On.ge-ს ჟურნალისტებმა, ლანა კოკაიამ, ანანო მუშკუდიანმა და თამუნა გეგიძემ მრავალფეროვნების გაშუქების კონკურსში გაიმარჯვეს. მედიის განვითარების ფონდმა ისინი დღეს, 28 მაისს დააჯილდოვა.

MDF-ის ორგანიზებული კონკურსი STRIVE Global program-ის ნაწილია და ძალადობრივი ექსტრემიზმის წინააღმდეგ ბრძოლის (CVE) საერთაშორისო ცენტრის, ფონდ ჰიდაიას და ევროკავშირის მხარდაჭერილი პროექტის "ნარატივების რადიკალიზაციის პრევენცია და მათზე რეაგირება საქართველოში" ფარგლებში ჩატარდა. მისი მიზანია, ხელი შეუწყოს მედიაში მრავალფეროვნების საკითხების ინკლუზიურ და ძალადობრივი ექსტრემიზმის პრობლემის კვალიფიციურ გაშუქებას.

On.ge-ს ჟურნალისტებმა კონკურსის ფარგლებში მოამზადეს სტატიები ჯავახეთიდან, ლეჩხუმიდან და ქვემო ქართლიდან. სტატიებში გაჟღერებულია ეთნიკური უმცირესობების პრობლემები, თანაცხოვრების და ტოლერანტობის, ასევე, გაუცხოებისა და დაპირისპირების ისტორიები.

გაეცანით გამარჯვებულ სტატიებს:

ლანა კოკაია: ცხოვრება საქართველოს მოქალაქეობის გარეშე — გადაუჭრელი პრობლემა ჯავახეთში

ახალქალაქი

ფოტო: ლანა კოკაია / On.ge

ჯავახეთში, სადაც კომპაქტურად დასახლებული სომხური თემი ცხოვრობს, საქართველოს მოქალაქეობის საკითხი დღემდე გადაუჭრელი პრობლემაა. იმ ქვეყნის მოქალაქეობის მისაღებად, სადაც დაბადებიდან ცხოვრობენ, სამხრეთ საქართველოს მთიან რეგიონში დასახლებული ადამიანებისთვის მთავარი დაბრკოლება ქართული ენის სათანადოდ არცოდნაა. ადგილობრივები და ეთნიკური უმცირესობების უფლებადამცველი ორგანიზაციები მოქალაქეობის შესახებ კანონის გამარტივებას ითხოვენ.

სტატიის სრულად ნახვა შეგიძლიათ აქ.

ანანო მუშკუდიანი: მრავალეთნიკური ლაილაში — ისტორიით სავსე სოფელი ლეჩხუმში

2003 წელს დადგმული მონუმენტი ლაილაშის ცენტრში

კავკასიონის მთისწინეთში არის აკაკი წერეთლის მიერ "ედემს" შედარებული პატარა სოფელი, რომელიც 4 განსხვავებული ეროვნების ხალხს იტევდა და, როგორც ამბობენ, არა თუ შუღლს, პატარა დაპირისპირებასაც კი არ ჰქონია ადგილი.

მრავალეთნიკური ლაილაში ლეჩხუმში მდებარეობს. აქ საუკუნეების განმავლობაში ძმურად თანაცხოვრობდნენ ქართველები, ებრაელები, სომხები და ბერძნები. სოფელში დარჩენილი მოსახლეობა ძველ ისტორიებს გადმოცემით იცნობს, თუმცა ისეთი სიამაყით და ემოციებით გვიყვებიან, ვერ იფიქრებ, რომ თანამონაწილენი არ ყოფილან.

სტატიის სრულად ნახვა შეგიძლიათ აქ.

თამუნა გეგიძე: რას გვეტყვის მარნეული, თუ კარგად მოვუსმენთ

სტენსილი მარნეულის ერთ-ერთ ქუჩაზე

სტენსილი მარნეულის ერთ-ერთ ქუჩაზე

ფოტო: თამუნა გეგიძე / On.ge

ქართველებს ძალიან გვიყვარს იმაზე საუბარი, რომ ტოლერანტობა, მიმღებლობა ისტორიულად გვახასიათებს და ჩვენთან მშვიდობიანად თანაცხოვრობდნენ სხვადასხვა ეთნოსისა და რელიგიის წარმომადგენლები. ამის დასამტკიცებლად გულზე მჯიღიც ხშირად დაგვირტყამს და აბანოთუბნის ფოტოც გაგვიზიარებია, სადაც მეჩეთის, სინაგოგისა და ეკლესიის სიახლოვე ჩანს. მარნეულიც ხშირად მოგვიყვანია მშვიდობიანი თანაცხოვრების მაგალითად.

მაგრამ, როგორ ვიქცევით სხვა დროს, როცა თავის ტოლერანტად წარმოჩენა საერთაშორისო ყურადღების მისაქცევად ან სადღეგრძელოსთვის არ გვჭირდება? მშვიდობიანი თანაცხოვრება ნამდვილად რეალობაა თუ ხშირად გვავიწყდება, რომ საქართველოში სხვა ეთნოსის წარმომადგენლებიც არიან? როდის გვახსენდება ისინი? როცა ქართული მარში ქსენოფობიური მოტივით ესხმის თავს თუ როცა კორონავირუსის გამო წითელ ზონად აცხადებენ? ნამდვილად ვართ ტოლერანტები თუ ეს მართლა მხოლოდ სიტყვებია?

სტატიის სრულად ნახვა შეგიძლიათ აქ.

მედიის განვითარების ფონდის (MDF) მრავალფეროვნების გაშუქების მედიაკონკურსში სულ 10 გამარჯვებული გამოვლინდა. სრული სია ასეთია:

კონკურში მონაწილეობა 28 ჟურნალისტმა და ბლოგერმა მიიღო, როგორც ცენტრალური, ასევე რეგიონული მედია ორგანიზაციებიდან.