საგარეო საქმეთა სამინისტროს განცხადებით, უნგრეთიდან საქართველოში 24 მოქალაქე დაბრუნდა, მათგან 18 სტუდენტია.

უწყების განმარტებით, მოქალაქეები ბუდაპეშტიდან მინსკის გავლით გაემგზავრნენ ერევანში, სადაც მათ საელჩოს წარმომადგენლები დახვდნენ და საქართველოში ჩამოიყვანეს.

"ამ რეისის მგზავრებს შორის იყო საქართველოს 3 მოქალაქე, რომლებსაც სირთულეები შეექმნათ კორონავირუსის გავრცელების შედეგად დაწესებული შეზღუდვების გამო და ვერ ტოვებდნენ უნგრეთს. სამი კვირის განმავლობაში საქართველოს საელჩომ უზრუნველყო აღნიშნული მოქალაქეების ცხოვრების, კვების და შემდგომ სამშობლოში მათი გამგზავრების ხარჯები", — აღნიშნავს სამინისტრო.

მათივე თქმით, უნგრეთში ამ დროისთვის საქართველოს სამი მოქალაქე რჩება.

გარდა ამისა, სამინისტრო აცხადებს, რომ ბელარუსში ქართულ ოჯახს, სადაც ორი ახალშობილია, ფინანსური დახმარება გაუწიეს და მათი დაბრუნებაზე მუშაობენ.

კორონავირუსის გამო ქვეყნების დიდმა ნაწილმა საზღვრები ჩაკეტა, მათ შორის საქართველომ. უცხოეთში ჩარჩენილი მოქალაქეები კი მთავრობის მიერ დანიშნული სპეცრეისებით ჩამოჰყავთ.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: