რეკომენდაციები და დამატებითი ინფორმაცია კარანტინში მყოფებისთვის
ჯანდაცვის სამინისტრო ახალი კორონავირუსის გავრცელების გამო სხვადასხვა რეკომენდაციებს ავრცელებს, მათ შორის კარანტინში მყოფი პირებისთვის. უწყების განცხადებით, კარანტინში მოხვედრისას დაცული უნდა იყოს რამდენიმე წესი.
საზიცოლაციო სივრცე
უწყების განმარტებით, პირი იზოლაციაში უნდა იმყოფებოდეს დაავადების გამომწვევთან ექსპოზიციის ბოლო თარიღიდან 14 დღის განმავლობაში, შესაბამისი მოცულობის სივრცეში. ეს შეიძლება იყოს, როგორც სტაციონარული სამედიცინო დაწესებულების ბოქსირებული ან ნახევრადბოქსირებული პალატები, ასევე, კარანტინისთვის გამოყოფილი სხვა სივრცე.
სამინისტროში ამბობენ, რომ უმჯობესია თითოეული ადამიანი განთავსდეს ცალკე საიზოლაციო ოთახში, რომელსაც აქვს დამოუკიდებელი ჰაერცვლის სისტემა. თუმცა, პაციენტი შესაძლოა მოხვდეს კოჰორტულ (ჯგუფური, მაგ: ოჯახის წევრები) იზოლაციაში, რასაც ეპიდემოლოგი იზოლირებულებთან შეთანხმებით წყვეტს.
უწყების განცხადებით, იზოლირების ადგილას უზრუნველყოფილია:
- დღეში სამჯერადი კვება, საკვების/სასმელის ინდივიდუალური კონტეინერებით
მიწოდებით; - თეთრეული და პირადი მოხმარების საგნები, მათ შორის ტანსაცმელი
(ნახმარი ტანსაცმელი გაირეცხება ადგილზევე ან გადაეცემა ოჯახის წევრებს); - ქრონიკული დაავადებით დაავადებულ პირთათვის საჭირო მედიკამენტები
და სამედიცინო საგნები; - საიზოლაციოდ გამოყოფილი ოთახების/პალატების ყოველდღიური
დალაგება/დასუფთავება და სანიტარული კვანძების დეზინფექცია (უნდა
ხორციელდებოდეს შესაბამისად მომზადებული/ტრენირებული პირების და/ან
სურვილის შემთხვევაში თავად იზოლირებული პირის მიერ); - სატელეფონო კავშირის და ინტერნეტით სარგებლობის შესაძლებლობა.
უწყების განცხადებით, სურვილის შემთხვევაში ოჯახის წევრებსა და ახლობლებს შეუძლიათ იზოლაციაში მყოფებს მიაწოდონ საკვები და სასმელი, პირადი მოხმარების საგნები, საჭირო მედიკამენტები.
სამედიცინო ზედამხედველობა
უწყების განცხადებით, კარანტინის სივრცეში უზრუნველყოფილია ყოველდღიური სამედიცინო ზედამხედველობა, რომელიც შესაძლოა განხორციელდეს პაციენტთან უშუალო კონტაქტის გარეშე. კერძოდ:
- ტემპერატურის ადგილზე გაზომვა, დისტანციური ან ინდივიდუალური თერმომეტრით, სიმპტომების გამოვლენის შემთხვევაში თვითანგარიშგებით;
- ცხელების და ან რესპირაციული ვირუსული ინფექციის მსგავსი კლინიკური
ნიშნების გამოვლენისას ხდება ჰოსპიტალიზაცია ინფექციური პროფილის
სტაციონარში, ხოლო კოჰორტული იზოლაციისას პაციენტთან ერთად მყოფი
პირისთვის იზოლაციის ხანგრძლივდება დიაგნოზის განსაზღვრამდე ან ახალი კორონავირუსისთვის განსაზღვრული ინკუბაციური პერიოდით — დამატებით 14 დღით; - არაგადამდები დაავადების (მაგ; ქირურგიული, გინეკოლოგიური და სხვა)
სასწრაფო სტაციონარული სამედიცინო დახმარების საჭიროებისას, კლინიკაში
ტრანსპორტირება ხდება სპეციალური ავტოტრანსპორტით, სტაციონარში
ბოქსირებულ პალატაში (და ან გამწოვი ვენტილაციით აღჭურვილ პალატაში)
საიზოლაციო პერიოდის ვადის გასვლამდე;
სამინისტრო, ასევე, განმარტავს, რომ კარანტინში მყოფი პირებისთვის მნიშვნელოვანია ცხოვრების ჯანსაღი წესის დაცვა — ჯანსაღად კვება, დასვენება, ფიზიკური აქტივობა
და სოციალური კონტაქტის შენარჩუნება ძვირფას ადამიანებთან.
აქვე შეგიძლიათ გაეცნოთ ჯანდაცვის სამინისტროს რეკომენდაციებს თვითზოლაციაში მყოფი პირებისთვის.
- გამყრელიძის თქმით, ვისაც არ აქვს თვითიზოლაციის საშუალება, კარანტინში გადაიყვანენ
- კარანტინში და თვითიზოლაციაში მყოფებს გაცდენილი სამუშაო დღეები აუნაზღაურდებათ — სამინისტრო
კორონავირუსი საქართველოში
ამ ეტაპზე საქართველოში კორონავირუსით ინფიცირების 4 შემთხვევაა დადასტურებული. პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს. ამასთანავე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.
ვირუსის პირველი შემთხვევა დაუდგინდა საქართველოს მოქალაქეს, რომელიც აზერბაიჯანის გავლით ირანიდან შემოვიდა ქვეყანაში. მეორე კი — პირს, რომელმაც ჩრდილოეთ იტალიაში იმოგზაურა. ჯანდაცვის მინისტრის თქმით, პირველი ინფიცირებული საბაჟოდან პირდაპირ ინფექციურ საავადმყოფოში გადაიყვანეს, მეორე ინფიცირებულზე კი ადგენენ, ვისთან ჰქონდა კონტაქტი. მესამე დაინფიცირებულიც საქართველოს მოქალაქეა, რომელიც ირანიდან შემოვიდა ქვეყანაში. პაციენტს კონტაქტი ჰქონდა პირველ დაინფიცირებულთან, რომელიც ასევე აზერბაიჯანის გავლით, ირანიდან შემოვიდა საქართველოში. მეოთხე ინფიცირებულსაც იტალიაში მოგზაურობის ისტორია ჰქონდა. დაავადებათა კონტროლის ცენტრის დირექტორის მოადგილის განცხადებით, საქართველოში დაბრუნების შემდეგ ის თვითიზოლაციაში იმყოფებოდა და უკვე დადგენილი ყავთ 20 პირი, რომელთანაც მას ჰქონდა კონტაქტი, მათ შორის მგზავრები.
წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:
- ჯანდაცვის მსოფლიო ორგანიზაციის აუცილებელი რეკომენდაციები კორონავირუსისგან დასაცავად
- კორონავირუსის პრევენციისთვის საჭირო რჩევები მოგზაურებისთვის
- ჯანდაცვის სამინისტროს რეკომენდაციები ჟურნალისტებისთვის
- რეკომენდაციები თვითიზოლაციაში მყოფი პირებისთვის
ამავე თემაზე:
-
გადახედვაგამოიყვანეს გენმოდიფიცირებული ძროხა, რომელსაც ადამიანის ინსულინის შემცველი რძე აქვს გამოიყვანეს გენმოდიფიცირებული ძროხა, რომელსაც ადამიანის ინსულინის შემცველი რძე აქვს
-
გადახედვაროცა შიმშილი გვემუქრება — რა კავშირია კლიმატის კრიზისსა და სურსათის შემცირებას შორის როცა შიმშილი გვემუქრება — რა კავშირია კლიმატის კრიზისსა და სურსათის შემცირებას შორის
-
გადახედვადიუნის კლიმატი — რამდენად შესაძლებელია არაკისის მსგავს პლანეტაზე სიცოცხლე დიუნის კლიმატი — რამდენად შესაძლებელია არაკისის მსგავს პლანეტაზე სიცოცხლე
-
გადახედვაშესაძლოა, მარსზე ერთ მეტეორიტს 3 მილიარდამდე კრატერი წარმოექმნა შესაძლოა, მარსზე ერთ მეტეორიტს 3 მილიარდამდე კრატერი წარმოექმნა
-
-
გადახედვანანა ჯორჯაძის მორიგი შედევრი ქართველი ხელოვანების მძიმე ხვედრზე ნანა ჯორჯაძის მორიგი შედევრი ქართველი ხელოვანების მძიმე ხვედრზე
-
გადახედვამეტყველების ეს მახასიათებელი შესაძლოა, დემენციის ადრეული ნიშანი იყოს მეტყველების ეს მახასიათებელი შესაძლოა, დემენციის ადრეული ნიშანი იყოს
-
გადახედვაპერსონალურ მონაცემთა დაცვის სამსახური აცხადებს, რომ ზოგიერთი ორგანიზაცია SMS რეკლამებს მაინც აგზავნის პერსონალურ მონაცემთა დაცვის სამსახური აცხადებს, რომ ზოგიერთი ორგანიზაცია SMS რეკლამებს მაინც აგზავნის
-
გადახედვაპიკესთვის ჩემი კარიერა გვერდით გადავდე — შაკირა ყოფილ ქმართან ურთიერთობაზე პიკესთვის ჩემი კარიერა გვერდით გადავდე — შაკირა ყოფილ ქმართან ურთიერთობაზე
-
-
-
გადახედვაიენს სტოლტენბერგი სალომე ზურაბიშვილს შეხვდა იენს სტოლტენბერგი სალომე ზურაბიშვილს შეხვდა
-
გადახედვა"გაიზარდეთ!" — ჰარი პოტერის მსახიობი საგის ზრდასრულ ფანებს კიდევ მიმართავს "გაიზარდეთ!" — ჰარი პოტერის მსახიობი საგის ზრდასრულ ფანებს კიდევ მიმართავს
-
-
გადახედვა"ხალხის ძალა" პარტიად გადაკეთდა და თავმჯდომარედ სოზარ სუბარი აირჩიეს "ხალხის ძალა" პარტიად გადაკეთდა და თავმჯდომარედ სოზარ სუბარი აირჩიეს
-
გადახედვაპითონის ხორცი შესაძლოა, მომავლის ეკომეგობრულ საკვებად იქცეს პითონის ხორცი შესაძლოა, მომავლის ეკომეგობრულ საკვებად იქცეს
-
გადახედვამეცნიერებს სოკოს გენმოდიფიცირებით ხორცის შექმნა სურთ მეცნიერებს სოკოს გენმოდიფიცირებით ხორცის შექმნა სურთ
-
-
გადახედვასაგარეო საქმეთა სამინისტრო გმობს ოკუპირებულ რეგიონებში რუსეთის საპრეზიდენტო არჩევნების ჩატარებას საგარეო საქმეთა სამინისტრო გმობს ოკუპირებულ რეგიონებში რუსეთის საპრეზიდენტო არჩევნების ჩატარებას
-
-
კომენტარები