9 ბრალდებული, რომელსაც საეჭვო სიმპტომები ჰქონდა, საპატიმროში არ დაუშვეს
![](http://ross.on.ge/2019/10/09/prison-cell3.jpg)
ფოტო: Salon.com
სპეციალური პენიტენციური სამსახურის ცნობით, ცხრა ბრალდებული, რომელსაც კორონავირუსისთვის დამახასიათებელი, საეჭვო სიმპტომები ჰქონდა, საპატიმროში არ დაუშვეს. პენიტენციურმა სამსახურმა განცხადება ამის შესახებ დღეს, 16 მარტს გაავრცელა. უწყების მტკიცებით, ცხრიდან ყველაზე საეჭვოს უკვე ჩაუტარდა ტესტი და კორონავირუსი არ დაუდასტურდა.
სამსახურში აცხადებენ, რომ ერთი კვირაა, რაც ე.წ. მიმღებ ციხეებში, ანუ იმ ციხეებში, სადაც ახალ ბრალდებულებს იღებენ, სამედიცინო შემოწმება შენობის გარეთ, სპეციალურად მოწყობილ სამედიცინო პუნქტში ტარდება. საქმე ეხება #5 - ქალთა, #8 - გლდანის საპატიმროსა და #2 - ქუთაისის საპატიმროს.
"თუ ბრალდებულს არანაირი სიმპტომატიკა არ აღენიშნება, ამასთან არც თავად და არც მის ახლობლებს უახლოეს წარსულში უცხოეთში მოგზაურობის ისტორია არ აქვს, მაშინ იგი პენიტენციურ დაწესებულებაში ე.წ. საკარანტინო ზონაში თავსდება, სადაც 21 დღეს გაატარებს. ხოლო თუკი ბრალდებულს რაიმე საეჭვო სიმპტომები გამოუვლინდა, ასეთ ბრალდებული პენიტენციურ დაწესებულებაში ვერ ხვდება და იგი შემდგომი დაკვირვებისა და საჭიროების შემთხვევაში, მკურნალობის ჩატარების მიზნით სამოქალაქო სექტორის კლინიკაში გადაჰყავთ", — ნათქვამია განცხადებაში.
ამ ეტაპზე საქართველოში კორონავირუსით დაინფიცირების 33 შემთხვევაა და აქედან ერთი ადამიანი უკვე გამოჯანმრთელდა.
პანდემია და რეკომენდაციები
მას შემდეგ, რაც ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა, საქართველოს მთავრობა მუშაობის საგანგებო რეჟიმზე გადავიდა და ახალი შეზღუდვები და რეკომენდაციები გაავრცელა.
- პრემიერმა შსს-ს დაავალა, გააკონტროლოს თვითიზოლაციაში მყოფი პირები
- პრემიერმა სახელმწიფო და კერძო დაწესებულებებს დისტანციური მუშაობის რეკომენდაცია მისცა
- საქართველომ სომხეთთან და აზერბაიჯანთან საზღვარი 10 დღით ჩაკეტა
- სარფის გამშვებ პუნქტზე მოქალაქეთა გადაადგილება დროებით შეიზღუდ
- საბანკო სექტორში მომხმარებლებისთვის სამთვიანი საშეღავათო პერიოდი დაწესდა
საქართველოში კორონავირუსით ინფიცირების 29 შემთხვევაა დადასტურებული: პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს, 7 მარტს კორონავირუსით ინფიცირების კიდევ 4 შემთხვევა დადასტურდა, 9 მარტს კორონავირუსი 2 პაციენტს დაუდასტურდა, 10 მარტს კი კორონავირუსის კიდევ 8 შემთხვევა დადასტურდა, კიდევ 1 შემთხვევა კი — 11 მარტს, 25-ე შემთხვევა 12 მარტს დადასტურდა.
ასევე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს, 14 მარტს კი ათენში, მიუნხენდში და მადრიდში მყოფ საქართველოს მოქალაქეებს. საგარეო საქმეთა სამინისტროში აცხადებენ, რომ მათთან მუდმივ კონტაქტზე არიან.
წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:
- ჯანდაცვის მსოფლიო ორგანიზაციის აუცილებელი რეკომენდაციები კორონავირუსისგან დასაცავად
- კორონავირუსის პრევენციისთვის საჭირო რჩევები მოგზაურებისთვის
- ჯანდაცვის სამინისტროს რეკომენდაციები ჟურნალისტებისთვის
- რეკომენდაციები თვითიზოლაციაში მყოფი პირებისთვის
- რეკომენდაციები და დამატებითი ინფორმაცია კარანტინში მყოფებისთვის
- გაეცანით ჯანდაცვის სამინისტროს რეკომენდაციებსა და პროტოკოლს თვითიზოლაციისთვის
ამავე თემაზე:
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები