გიორგი მონავარდისაშვილი, რომლის მანქანასაც 2 თებერვალს, თბილისი მოლთან მიმდინარე აქციაზე, პოლიცია თავს დაესხა, პოლიციის შეურაცხყოფისთვის მოსამართლე ზვიად ცეკვავამ 3 000 ლარით დააჯარიმეს.

თბილისი მოლთან მომხდარი ინციდენტის დროს, გიორგი მონავარდისაშვილთან ერთად ავტომობილში მყოფი თათუშა არველაძე NEWS.On.ge-სთან ამბობს, რომ სასამართლო პოლიციის სიტყვიერი შეურაცხყოფისთვის დანიშნეს. მანამდე კი გზის გადაკეტვისთვის ორივეს ჯარიმები გამოუწერეს.

"მტკიცებულებად წარმოადგინეს ჩემი და ტელეკომპანია ფორმულას ლაივები — როგორ გვესევა პოლიცია. ეს იყო მხოლოდ მათი მტკიცებულება. "სიგნალის" გამო დაგვესხნენ თავს და ეს არავის უხსენებია. ერთი მოწმე ამბობდა, რომ სწრაფად მიდიოდით და არ ჩერდებოდითო, მეორე ამბობდა, რომ ძალიან ნელა მიდიოდით და აფერხებდით თქვენს უკან მდგომებსო", — ამბობს თათუშა არველაძე.