სტატისტიკის ეროვნული სამსახურის ცნობით, 2024 წელს, ცოცხლად დაბადებული ბავშვების რიცხოვნობა, 2023 წელთან შედარებით 1.8%-ით შემცირდა, გარდაცვლილთა რიცხოვნობა კი 2.8%-ით გაიზარდა. ამის შესახებ IPN წერს.

2024 წელს, საქართველოში ცოცხლად დაბადებულთა რიცხოვნობამ 39 483 ბავშვი შეადგინა, მათ შორის 20 755 ბიჭი და 18 728 გოგოა.

ამასთან, ნათქვამია, რომ 2024 წელს, 2023 წელთან შედარებით, გარდაცვლილთა რიცხოვნობა 2.8%ით გაიზარდა და 43 971 ერთეული შეადგინა.

გარდაცვალების ყველაზე მეტი შემთხვევა დაფიქსირდა თბილისში (12 492 კაცი), ხოლო ყველაზე ნაკლები – რაჭა-ლეჩხუმისა და ქვემო სვანეთის რეგიონში (533 კაცი).

სტატისტიკის ეროვნული სამსახურის ცნობით, 2024 წელს, რეგისტრირებულია 21 653 ქორწინება, რაც 2.8 პროცენტით ნაკლებია წინა წლის შესაბამის მაჩვენებელთან შედარებით.

2024 წელს, რეგისტრირებულ განქორწინებათა რაოდენობამ 13 520 ერთეული შეადგინა, რაც 1.1 პროცენტით ნაკლებია წინა წლის შესაბამის მაჩვენებელზე, — აღნიშნულია ინფორმაციაში.