შინაგან საქმეთა სამინისტროს ცნობით, 1971 წელს დაბადებული, წარსულში მრავალჯერ ნასამართლევი პირი თბილისში ათამდე ბინის გაქურდვის ბრალდებით, დააკავეს.

გამოძიების ვერსიით, ბრალდებულმა ვარკეთილსა და ვაზისუბნის დასახლებაში ათამდე საცხოვრებელი ბინა გაქურდა.

გამოძიება საქართველოს სისხლის სამართლის კოდექსის 177-ე მუხლის მე-2 ნაწილის ა ქვეპუნქტით და მე-3 ნაწილის გ ქვეპუნქტით, ქურდობის ფაქტებზე მიმდინარეობს, რამაც მნიშვნელოვანი ზიანი გამოიწვია. დანაშაული 4-დან 7 წლამდე ვადით თავისუფლების აღკვეთას ითვალისწინებს.