საქართველოს მთავრობის ადმინისტრაციასთან 17 წლის მოტაცებული გოგოს მხარდასაჭერი აქცია იმართება. აქციის მონაწილეები საქმის დროულად გამოძიებას ითხოვენ. მათი თქმით, ადამიანის მოტაცება საქართველოში სერიოზულ პრობლემას წარმოადგენს.

შინაგან საქმეთა სამინისტროს ბოლო განცხადებით დასტურდება, რომ გოგო უკვე მეოთხე დღეა ვერ იპოვეს. მათივე მტკიცებით, პოლიციას ინტენსიური კომუნიკაცია აქვს არასრულწლოვნის ოჯახის წევრებთან.

შსს-ს ცნობით, საქმეზე ამ დრომდე ჩატარებულია არაერთი საგამოძიებო მოქმედება: გამოკითხულნი არიან მოწმეები, გამოიკითხნენ ის პირებიც, რომლებსაც შესაძლოა, ჰქონოდათ ინფორმაცია არასრულწლოვნის ადგილსამყოფელის შესახებ.

მოზარდის მოტაცების შესახებ ინფორმაცია 12 ოქტომბერს შევიდა კახეთის პოლიციის დეპარტამენტში.