ერთ-ერთი ყველაზე ცნობილი უბედური შემთხვევისა და მასზე გადაღებული ფილმის — ტიტანიკის შემდეგ, გემის ჩაძირვა საზოგადოებაში დღემდე განხილვად თემად რჩება.

ახლა კი, ათწლეულების შემდეგ, ტიკტოკზე ახალი ტრენდი გამოჩნდა: გემი იძირება — რა რეაქცია ექნება Gen Z-ს?

გიზიარებთ გამორჩეულ პასუხებს ამ კითხვაზე:

1. ტიკტოკზე სქროლვისას აღმოვაჩინე, რომ იმ გემზე ვარ, რომელიც იძირება

ტიკტოკი იქნება თუ ინსტაგრამის რილები, ალბათ დაგვეთანხმებით, რომ სქროლვისას ზოგჯერ გარე სამყარო საერთოდ გვავიწყდება. შესაბამისად, სრულიად მოსალოდნელია, რომ გემზე მყოფმა Gen Z-მ მისი ჩაძირვა არა გემის უცნაური რყევებით, არამედ ტიკტოკის საშუალებით შეიტყოს.

2. "ჩატ, მასწავლე ცურვა 30 წამში"

Gen Z-სთვის (და არამხოლოდ) AI როგორც სასწავლო თუ სამსახურებრივ პროცესებში, ისე ყოველდღიურ ცხოვრებაშიც მარჯვენა ხელი გახდა. ნებისმიერ კითხვას, რომელზეც გვერდით მყოფი ადამიანი ან Google პირდაპირ ვერ გვიპასუხებს, სხვადასხვა AI პლატფორმას ვუსვამთ. გემის ჩაძირვისასაც, სასოწარკვეთილებს, სხვა რა დაგვრჩენია?!

3. წყალგამძლე ტუშს ვისვამ, რათა ახალ ამბებში შესანიშნავად გამოვიყურებოდე

ყოველთვის ფორმაში უნდა იყო.

4. "პირველად ვარ გემზე, რომელიც იძირება. ცოტა ვნერვიულობ"

პირველი გამოცდილება თითქმის ყოველთვის სანერვიულოა, Gen Z კი ნერვიულობითა და შფოთვით ცნობილი თაობაა. ალბათ, არც გემის ჩაძირვა იქნება გამონაკლისი.

5. "დიჯეი, Under the Sea დაუკარი"

6. მეგობარს ტიკტოკის ვიდეოს ვუგზავნი, რათა streak არ დასრულდეს

დაქალთან 758-დღიან სთრიქს ოკეანეში ჩაძირვის გამო ხომ არ შეწყვეტ?!

7. ინტროვერტი მე, რადგან სამაშველო ჟილეტის მოთხოვნა შემრცხვა

დიახ, არ მოგესმათ. Gen Z-ის ნაწილი იმდენად ბევრს ფიქრობს ყველა ქმედებაზე და ისე ეშინია, რამე სამარცხვინო არ გააკეთოს, რომ ურჩევნია, ოკეანის ფსკერზეც კი ჩაიძიროს, ვიდრე სამაშველო ჟილეტი ითხოვოს.

8. "ეს სამაშველო ჟილეტი ჩემს ჩაცმულობას არ უხდება"

არის მეორე კატეგორიაც, რომელსაც შეუხამებელი ჩაცმულობით გადარჩენას მოდურად ჩაძირვა ურჩევნია.

9. "ვერ დაიჯერებთ, რა მოხდა" — ახალი სელფი ჯგუფის ჩატში

მეგობრებს ხომ უნდა შეატყობინოს უახლესი ამბები?

10. "Wifi-ს პაროლს ხომ ვერ მეტყვით?"

Gen Z-ს უფრო შეეშინდება ზვიგენის თუ ზვიგენს — Gen Z-ის?

11. "გაემზადეთ ჩემთან ერთად ოკეანის ფსკერზე ჩასაძირად"

შესაძლებლობები არ უნდა გაუშვა ხელიდან, ჩაძირული გემიდან ჩაწერილი ვლოგი კი მილიონობით ნახვას დააგროვებს.

დაბოლოს, მთლიან გამოცდილებაზე რას იტყვის Gen Z?

"გააორმაგე და სხვა გემს მიეცი"