სომეხმა მილიარდერმა და ოპოზიციურმა ფიგურამ გაგიკ ცარუკიანი მსოფლიოში ყველაზე მაღალი იესო ქრისტეს ქანდაკების მშენებლობის დასრულების შემდეგ, ნოეს კიდობნის მონუმენტურ მემორიალს ააშენებს. ამის შესახებ OC MEDIA წერს. მათი ცნობით, ცარუკიანი აცხადებს, რომ ქანდაკებები მილიონობით ტურისტს მიიზიდავს. მანამდე ცარუკიანმა თავის მთავარ საარჩევნო პროგრამას, სახელწოდებით "წინადადება სომხეთისთვის", "პოლიტიკურ და სამოქალაქო ნოეს კიდობანს" უწოდა, რომელიც სომხეთს "ხსნისა და აღორძინებისკენ" წაიყვანს.

ოთხშაბათს, ტავუშის რეგიონში ცარუკიანმა პრემიერმინისტრ ნიკოლ ფაშინიანის პოლიტიკა გააკრიტიკა. როგორც OC MEDIA წერს, მან ცრუ ინფორმაცია გაავრცელა და თქვა, რომ ფაშინიანი ქვეყანაში 300 000 აზერბაიჯანელის შეშვებას გეგმავს.

მისი პარტიის "აყვავებული სომხეთის" ხელისუფლებაში მოსვლის შემთხვევაში, საკუთარ პოლიტიკაზე საუბრისას, ცარუკიანმა განაცხადა, რომ ისეთ მსხვილ მსოფლიო ძალებს, როგორიცაა რუსეთი, ჩინეთი, ინდოეთი ან პაკისტანი — რომლებმაც ოფიციალურად დიპლომატიური ურთიერთობები სომხეთთან მხოლოდ 2025 წელს დაამყარეს — უსაფრთხოების გარანტების როლის შესრულება შეეძლებათ. მან არ დააკონკრეტა, თუ როგორ აპირებდა მათი მხარდაჭერის მოპოვებას.

იესო ქრისტეს 33-მეტრინი ქანდაკების დადგმა 2025 წლის ნოემბერში დაიწყო.