ოპოზიციური ალიანსის წევრი, პარტია "ახალის" ლიდერი, ნიკა გვარამია მიიჩნევს, რომ პარტიები ლელო — ძლიერი საქართველო და გახარია საქართველოსთვის ოპოზიციურ ალიანსში უნდა მიიღონ. ამის შესახებ მან უმრავლესობას" პოდკასტში საუბრისას განაცხადა. კოალიცია ცვლილებების ლიდერი ამბობს, რომ "გარჩევების დრო იქნება, ბიძინა რომ წავა"

"ყველა უნდა იყოს თუ არ უნდა იყოს? მე ძალით ხომ ვერ ვაიძულებ, მაგალითად, "ლელოს", რომ შემოვიდეს, "გახარიას" რომ შემოვიდეს [ალიანსში]. მგონია, რომ უმძიმესი შეცდომა იყო 2025 და კიდევ უფრო მძიმე გახარიას პარლამენტში დაბრუნება. მიუხედავად ამისა, აბსოლუტურად ღიად ვამბობ და იმ ლოგოზე ცარიელი კვადრატის ერთ-ერთი ინიციატორი ვიყავი, რომ აქ უნდა მივიღოთ ეს ხალხი. ამ ტიპის გარჩევების დრო იქნება, ბიძინა რომ წავა მერე. Fair play-ს შესაძლებლობა რომ იქნება სამართლიანი არჩევნების გზით, მაშინ გავარჩიოთ ეს ყველაფერი და წარსული. ყველანი ერთად ნიშნავს თუ არა ყველანი ერთად?“, – განაცხადა გვარამიამ.

ოპოზიციური ალიანსი მიმდინარე წლის 2 მარტს დაფუძნდა. მასში 9 პროდასავლური პარტიაგაერთიანდა. ეს პარტიებია: ახალი, გირჩი-მეტი თავისუფლება, დროა, ერთიანი-ნაციონალური მოძრაობა, ევროპული საქართველო, სტრატეგია აღმაშენებელი, ფედერალისტები, თავისუფლების მოედანი და ეროვნულ-დემოკრატიული პარტია.

მათ მიერ გავრცელებულ განცხადებაში ნათქვამიმ იყო, რომ შეთანხმების მიზანია ბიძინა ივანიშვილის „ავტოკრატიული რეჟიმის“ დასრულება, საქართველოს ევროატლანტიკური კურსის აღდგენა და დემოკრატიული მმართველობის, უსაფრთხოებისა და მოქალაქეთა კეთილდღეობის უზრუნველყოფა.