უკრაინის საგარეო საქმეთა სამინისტრო სირიის მიერ საქართველოს ოკუპირებული ტერიტორიების დამოუკიდებლად აღიარებას საერთაშორისო სამართლის პრინციპების დარღვევად აფასებს. უწყების განცხადებით, ეს გადაწყვეტილება ცხადყოფს ასადის რეჟიმის სურვილს, რომ კრემლს ასიამოვნოს.

"უკრაინა ძველებურად, აგრძელებს თავის პოლიტიკურ კურსს, პატივს სცემს საქართველოს ტერიტორიულ მთლიანობასა და სუვერენიტეტს და ბათილად ცნობს დამასკოს გადაწყვეტილებას, საერთაშორისო სამართლიდან გამომდინარე", - წერია ოფიციალურ განცხადებაში.

სირიამ რუსეთისგან ოკუპირებული სამხრეთ ოსეთი და აფხაზეთი დამოუკიდებელ რესპუბლიკებად აღიარა. საქართველომ კი პასუხად სირიასთან დიპლომატიური ურთიერთობა გაწყვიტა.

ამავე თემაზე: