ჯინი უისლის როლის შემსრულებელმა გრეის კოქრეინმა Harry Potter-ის მე-2 სეზონი გადასაღები მოედნიდან დატოვა. მსახიობი პროექტიდან მაშინ წავიდა, როდესაც Harry Potter-ის ახალი ადაპტაციის პრემიერამდე შვიდი თვე რჩება — სერიალი ეთერში 2026 წლის შობას გავა.

გრეის კოქრეინმა და მისმა ოჯახმა განაცხადეს, რომ ახალგაზრდა მსახიობმა რთული გადაწყვეტილება მიიღო და HBO-ს სერიალი პირველი სეზონის შემდეგ დატოვა, მიზეზად კი გაუთვალისწინებელი გარემოებები დაასახელეს.

ფოტო: Everett Collection

"ჰარი პოტერის სამყაროს ნაწილად ყოფნა მისთვის ნამდვილად საოცარი გამოცდილება იყო. გრეისი მადლიერია ასეთი დაუვიწყარი გამოცდილებისთვის," — ნათქვამია განცხადებაში, — "ის აღფრთოვანებულია იმ შესაძლებლობებით, რომლებიც მომავალში ელოდება."

Harry Potter-ის სერიალის პირველი სეზონის სახელწოდება ჰარი პოტერი და ფილოსოფიური ქვაა და ის მთლიანად პირველ წიგნს დაეთმობა. გარდა ამისა, სერიალს ჯამში შვიდი სეზონი ექნება — პოტერიადის თითოეულ წიგნს ცალკე სეზონი მიეძღვნება. პროექტის შემქმნელებს ეს საშუალებას აძლევს, ფილმებში გამოტოვებული დეტალები, პერსონაჟები თუ სიუჟეტური ხაზისთვის მნიშვნელოვანი დეტალები ახალ ეკრანიზაციაში წარმოაჩინონ.

ასევე იხილეთ: