ჟურნალისტს და "ნანუკას ფონდის" დამფუძნებელს, ნანუკა ჟორჟოლიანს ტროტუარზე დგომისთვის 3-დღიანი პატიმრობა შეეფარდა — გადაწყვეტილება მოსამართლე დავით მაკარიძემ მიიღო.

ჟორჟოლიანს 2025 წლის 16 დეკემბერს "ხალხის სავალი ნაწილის ხელოვნურად გადაკეტვას" ედავებოდნენ. ჟურნალისტის შვილის, მარიამ გეგუჩაძის ცნობით, ნანუკა ჟორჟოლიანი სასამართლო დარბაზშივე დააკავეს.

რადიო თავისუფლების ინფორმაციით, ჟორჟოლიანმა სასამართლო პროცესზე განაცხადა, რომ წინა წლის 16 დეკემბერს მისთვის და აქციაში მონაწილეობისთვის კანონი ჯერ კიდევ უცნობი იყო და არ იცოდა, რომელ ადგილას უნდა გადაენაცვლათ.

"თქვენი საპატრულო პოლიციის ხელმძღვანელი მოვიდა და ... მითხრა, რომ დადგინდებოდა უახლოეს დღეებში ტერიტორია, სადაც დგომა ჩაითვლებოდა კანონდარღვევად და ჩვენთვის გახდებოდა ცნობილი," — განაცხადა ჟორჟოლიანმა. (წყარო "რადიო თავისუფლება")