საქართველოს ბანკი, როგორც განათლების მთავარი მხარდამჭერი, ახალგაზრდებისთვის შესაძლებლობების შექმნას განაგრძობს. სწორედ ამ მიზნით, ბანკმა განათლების ცენტრ LEAF-თან დაიწყო თანამშრომლობა.

პარტნიორობის ფარგლებში, საზღვარგარეთ სწავლის მსურველებს შეეძლებათ, დაესწრონ შეხვედრებს, მიიღონ რჩევები აპლიკაციების ეფექტურად შევსებასთან დაკავშირებით და გაზარდონ სრული დაფინანსების შესაძლელობა.

ერთ-ერთი ასეთი ინიციატივა საერთაშორისო სასტიპენდიო პროგრამების შესახებ დაგეგმილი ვებინარია, რომელსაც საქართველოს ბანკი 25 მაისს გამართავს.

ვებინარზე მონაწილეებს შეეძლებათ, მიიღონ ინფორმაცია Fulbright-ის, Chevening-ის, Miami Ad School Europe-ისა და UWC-ის საერთაშორისო სასტიპენდიო პროგრამების შესახებ.

შეხვედრაზე აღნიშნულ შესაძლებლობებზე ისაუბრებენ და რჩევებს გააზიარებენ: გიორგი ჩავლეიშვილი, განათლების ცენტრ LEAF-ის დამფუძნებელი და ჯულიეტა პაკაცოშვილი, აკადემიური მრჩეველი.

ვებინარზე დასწრების მსურველებმა უნდა გაიარონ რეგისტრაცია ბმულზე.

საქართველოს ბანკისა და LEAF-ის პარტნიორობის ფარგლებში განხორციელებული ინიციატივა ერთ-ერთია მათ შორის, რომლებიც ახალგაზრდებისთვის საერთაშორისო განათლებაზე ხელმისაწვდომობის გაზრდასა და მათი განვითარების მხარდაჭერას ისახავს მიზნად. ეს ერთობლივი ინიციატივების მხოლოდ ნაწილია, თანამშრომლობის ფარგლებში კიდევ არაერთი აქტივობის განხორციელება იგეგმება.