ევროპაში თოლიის ხმების იმიტაციის ჩემპიონატი გაიმართა, სადაც მონაწილეები ერთმანეთს ფრინველის ხმის მიბაძვაში ეჯრებოდნენ.

ყოველწლიური ღონისძიება 26 აპრილს ბელგიის სანაპირო ქალაქ დე პანეში ჩატარდა. კონკურსში სხვადასხვა ასაკის 15-ზე მეტი ქვეყნიდან ჩამოსული 70 ადამიანი მონაწილეობდა. მათი ნაწილი თოლიის კოსტიუმებშიც კი იყო გამოწყობილი.

შეჯიბრების განმავლობაში მონაწილეები სცენაზე თოლიის ხმების მაქსიმალურად დამაჯერებლად მიბაძვას ცდილობდნენ. მათ გამოსვლებს სპეციალური ჟიური აფასებდა, რომელიც ყურადღებას აქცევდა როგორც ხმის მსგავსებას, ისე საერთო შესრულებასა და ქცევას.

კონკურსის ორგანიზატორების თქმით, ღონისძიების მიზანი მხოლოდ გართობა ნამდვილად არ არის. ჩემპიონატი ცდილობს, საზოგადოებაში თოლიებისა და სხვა ზღვის ფრინველების მიმართ უფრო პოზიტიური დამოკიდებულება ჩამოაყალიბოს.

"ვიფიქრე, რატომაც არა — ცოტა გავერთობი და კონკურსში მივიღებ მონაწილეობას. არ მინდა, მხოლოდ ყოველდღიური მოსაწყენი საქმეებით ვიყო დაკავებული," — თქვა 41 წლის ნორვეგიელმა მონაწილემ, კარინე გრონჰოლცმა.

საინტერესოა, რომ ჩემპიონატში გამარჯვებულს ფულადი პრიზი არ გადაეცემა, ჯილდო თავის მოწონებისა და ტრაბახის უფლებაა.