ქუთაისში, ველოსიპედების მაღაზია დღეიდან აღარ მოემსახურება მერიისა და შინაგან საქმეთა სამინისტროს იმ თანამშრომლებს, რომლებიც ქვეყნის ევროპული მომავლის დასაცავად ხალხის მხარეს არ დგას. ინფორმაციას ინფო ქუთაისი ავრცელებს.

გავრცელებულ განცხადებაში წერია, რომ მაღაზია და სახელოსნო აღარ მოემსახურება არც ერთ პოლიციელს, მერიის არც ერთ თანამშრომელს და არც ერთ საჯარო მოხელეს, რომელიც არ დგას ხალხის მხარეს.

"ჩვენი მაღაზია და სახელოსნო აღარ მოემსახურება არც ერთ პოლიციელს, მერიის არც ერთ თანამშრომელს და არც ერთ საჯარო მოხელეს, რომლის იდენტიფიცირებასაც მოვახდენთ და არ დგას ხალხის მხარეს!! ვწუხვართ, რომ აქციაზე დგომა და ეს პროტესტი არის ის მცირედი, რისი გაკეთებაც შეგვიძლია !!!

შეიძლება, ამ ჯგუფშიც არიან, თუნდაც დაფარული ანგარიშებით და ყველაზე კარგად თვითონ იციან, რა ინტენსივობით სჭირდებათ ზურას დახმარება მათ და მათ შვილებს! ხოდა, თავს ნუღარ შეიწუხებთ ჩვენთან ტყუილად მოსვლით, უტრაკო არაკაცებო", — ამბობენ ზურას ველოსიპედების მაღაზიის (Zura's Bike Shop) მეპატრონეები.