უკრაინა გაეროს უშიშროების საბჭოს სხდომის დაუყოვნებლივ მოწვევას ითხოვს. საგარეო საქმეთა მინისტრის, დმიტრი კულებას განცხადებით, ამის მიზეზი დონეცკისა და ლუგანსკის ე.წ. მმართველების კრემლისადმი მიმართვაა, სადაც ისინი "უკრაინის აგრესიის" მოგერიებაში დახმარება პუტინს სთხოვეს.

"რუსეთის მიერ ოკუპირებული ადმინისტრაციული ოლქების, დონეცკისა და ლუგანსკის მოთხოვნის საპასუხოდ, სამხედრო დახმარება გაუწიოს რუსეთმა, უკრაინამ გაეროს უშიშროების საბჭოს საგანგებო შეხვედრა მოითხოვა. ეს მოთხოვნა უსაფრთხოების კუთხით სიტუაციის უფრო ღრმა ესკალაციაა", — წერს კულება Twitter-ზე.

უკრაინა გაეროს უშიშროების საბჭოს სხდომის მოწვევა 22 თებერვალსაც მოითხოვა, რუსეთის მიერ ოკუპირებული ტერიტორიების "დამოუკიდებლად" აღიარების გამო.

დღეს, 24 თებერვალს კრემლმა გამოაქვეყნა სეპარატისტი დენის პუშილინისა და ლეონიდ პასეჩნიკის მიმართვა. პესკოვის თქმით, მათ სურთ "მშვიდობიან მოსახლეობაში მსხვერპლის" და დონბასში "ჰუმანიტარული კატასტროფის" არიდება. მანვე წაიკითხა პროპაგანდისტული ნარატივის მიმართვა, თითქოს უკრაინა ბომბავს მშვიდობიანი მოსახლეობის დასახლებებს, სკოლებს და საავადმყოფოებს. გარდა ამისა, სეპარატისტები იმის მტკიცებას ცდილობენ, თითქოს უკრაინა კონფლიქტის მოგვარების გზებს მხოლოდ სამხედრო დაპირისპირებაში ხედავს და ზრდის სახმედრო წარმომადგენლობას, რაშიც ნატოსა და სხვა ქვეყნების დახმარებას იღებს.

დღესვე უკრაინის უმაღლესმა რადამ დაამტკიცა პრეზიდენტის, ვილოდიმირ ზელენსკის ბრძანება და ქვეყანაში საგანგებო მდგომარეობა გამოაცხადა.

რუსეთის პრეზიდენტმა, ვლადიმერ პუტინმა უკრაინის ოკუპირებული ტერიტორიები თვითგამოცხადებული ლუგანსკი და დონეცკი "დამოუკიდებელ რესპუბლიკებად" აღიარა. პუტინმა ეს გადწყვეტილება უკრაინის "აგრესიით" ახსნა და გასამართლებლად არაერთი პროპაგანდისტული მესიჯი გააჯღერა. მან უკრაინის ხელისუფლებას მოუწოდა, "დროულად შეწყვიტონ სამხედრო ქმედებები", წინააღმდეგ შემთხვევაში კი "ნებისმიერ სისხლისღვრაზე" პასუხისმგებლობა მათ დააკისრა.

ამ "თხოვნით" პუტინს თვითაღიარებული რესპუბლიკების ლიდერებმა და რუსეთის დუმის დეპუტატებმა მიმართეს. პუტინის გადწყვეტილება მინსკის შეთანხმების უხეში დარღვევაა.

ამ გადაწყვეტილების გამო, რუსეთს უკვე დაუწესეს სანქციებიც — განახლებადი: რუსეთისთვის დაწესებული ყველა სანქცია ერთად ანუ მსოფლიოს პასუხი პუტინს.