თბილისში სპეცოპერაციის შედეგად უცხო ქვეყნის მოქალაქე დააკავეს, რომელსაც განსაკუთრებით დიდი ოდენობით ნარკოტიკული საშუალების უკანონო შეძენა-შენახვა და რეალიზაციის ხელშეწყობა ედება ბრალად. დაკავებული ეგვიპტის მოქალაქეა.

პოლიციამ ბრალდებულის პირადი და ზურგჩანთის ჩხრეკისას ნივთმტკიცებად 4 კილოგრამი "მარიხუანა" ამოიღო. გარდა ამისა, ამოღებულია ნარკოტიკების დაფასოებისთვის განკუთვნილი სპეციალური მასალებიც. საქმეზე გამოძიება სისხლის სამართლის კოდექსის შესაბამისი მუხლებით მიმდინარეობს, რაც სასჯელის უმკაცრეს ზომას — 20 წლამდე ან უვადო პატიმრობას ითვალისწინებს.

"შინაგან საქმეთა სამინისტროს აფხაზეთის ავტონომიური რესპუბლიკის პოლიციის დეპარტამენტის თანამშრომლებმა, განსაკუთრებით დიდი ოდენობით ნარკოტიკული საშუალების უკანონო შეძენა-შენახვისა და რეალიზაციის ხელშეწყობის ბრალდებით, ეგვიპტის რესპუბლიკის მოქალაქე თბილისში დააკავეს.

სამართალდამცველებმა, ბრალდებულის პირადი და ზურგჩანთის ჩხრეკის შედეგად, განსაკუთრებით დიდი ოდენობით — 4 კილოგრამი ნარკოტიკული საშუალება „მარიხუანა“ ნივთმტკიცებად ამოიღეს.

საგამოძიებო მოქმედებების შედეგად, სამართალდამცველების მიერ, ასევე, ამოღებულია ნარკოტიკული საშუალებების დაფასოებისთვის საჭირო მასალები.

გამოძიება სისხლის სამართლის კოდექსის 260-ე და 260-ე კვარტა მუხლებით მიმდინარეობს, რაც 20 წლამდე ან უვადო თავისუფლების აღკვეთას ითვალისწინებს", — წერია გავრცელებულ ინფორმაციაში.