სამოქალაქო ავიაციის სააგენტოს განცხადებით, ავიაკომპანიებმა, Getjet-მა და Smartlyn-მა საქართველოს მიმართულებით ფრენები განაახლეს. ლიეტუვის ავიაკომპანია Getjet და ესტონური ავიაკომპანია Smartlynx ფრენებს ვილნიუსი-ბათუმი-ვილნიუსისა და ტალინი-ბათუმი-ტალინის მიმართულებებით შეასრულებენ.

ავიაკომპანია Getjet-მა პირველი რეისი გუშინ, 2 აგვისტოს შეასრულა. Smartlynx კი ფრენებს 5 აგვისტოდან აღადგენს.

რეისები ვილნიუსსა და ბათუმს შორის 30 აგვისტოს ჩათვლით, კვირაში 1 სიხშირით (ორშაბათი), Airbus A319 ტიპის საჰაერო ხომალდით განხორციელდება. Smartlynx-ის კი ტალინსა და ბათუმს შორის მრავალჯერადი ჩარტერული ფრენების შესრულებას 5 აგვისტოდან 23 სექტემბრის ჩათვლით, კვირაში 1 სიხშირით (ხუთშაბათი) Airbus A320 ტიპის საჰაერო ხომალდით გეგმავს.