19 იანვარს ტყიბულში, ერთ-ერთ რესტორანში მომხდარ ჯგუფურ ძალადობაში ბრალდებულ 4 პირს, რომელთაგან 2 შინაგან საქმეთა სამინისტროსა და თავდაცვის სამინისტროს თანამშრომელია, 4000-4000-ლარიანი გირაო შეეფარდა. ამის შესახებ ინფორმაციას პუბლიკა ბრალდებულთა ადვოკატზე დაყრფნობით ავრცელებს. ადვოკატის ინფორმაციით, პროკურატურა 5000-ლარიან გირაოს ითხოვდა.

ცნობისთვის, თავდაპირველად ინფო იმერეთმა გაავრცელა ინფორმაცია, რომ ტყიბულის მუნიციპალიტეტის სოფელ მოწამეთაში დაცვისა და კრიმინალური პოლიციის წარმომადგენლებმა რესტორანში მიხეილ შუფუტინსკის მუსიკის გამო იჩხუბეს.

მედიის ცნობით, დაცვის პოლიციის წარმომადგენლებს რესტორანში შუფუტინსკის სიმღერის, "უტკის" ჩართვა მოითხოვეს. სხვა მაგიდასთან მსხდომმა კრიმინალური პოლიციის წარმომადგენლებმა დაცვის პოლიციის წარმომადგენლებს მოთხოვნისთვის შენიშვნა მისცეს. უწყების თანამშრომლები ერთმანეთს თავდაპირველად რესტორანში, ხოლო შემდეგ რესტორნის ეზოში ფიზიკურად დაუპირისპირდნენ.