"ჩვენ ვართ წელში გამართული ყველა საკითხთან დაკავშირებით, იმიტომ, რომ სუფთად ვმუშაობთ. ამიტომ სრულიად ღია ვართ ნებისმიერი ჯანსაღი ფორმის დისკუსიისთვის ყველასთან", — ამის შესახებ ოცნების პრემიერმა, ირაკლი კობახიძემ სამთავრობო ტელეკომპანია "იმედის" ეთერში.

"დაველოდებით მედიის შემოთავაზებას, ჩვენც მზად ვართ, ჩავერთოთ დისკუსიებში ფორმატთან დაკავშირებით და ეს არის მათ შორის ხელისუფლების პასუხისმგებლობა, საზოგადოებისთვის უზრუნველყოს სათანადო დისკუსიები ყველა თემასთან დაკავშირებით. თქვენ ვერ გამახსენებთ, არა მხოლოდ ფასების, არამედ უფრო ზოგადი თემები რომ ავიღოთ — ეკონომიკა, ინფრასტრუქტურა, კორუფცია, ნებისმიერი თემა, არაფერთან დაკავშირებით ჯანსაღი დისკუსია არ არსებობს, არის მონოლოგის რეჟიმში ბრალდებები, სიძულვილის, ზიზღის ენა, მაგრამ არავითარი ჯანსაღი დისკუსია. ჩვენ ვართ წელში გამართული ყველა საკითხთან დაკავშირებით, იმიტომ, რომ სუფთად ვმუშაობთ, ეს არის ჩვენი რწმენა, ამიტომ სრულიად ღია ვართ ნებისმიერი ჯანსაღი ფორმის დისკუსიისთვის ყველასთან. დანარჩენი არის დეტალიზაციის საკითხი", — განაცხადა "ოცნების" პრემიერმა, ირაკლი კობახიძემ სამთავრობო ტელეკომპანია "იმედის" ეთერში.

მისივე თქმით, "არაუგვიანეს 2 კვირისა უკვე უნდა შედგეს პირველი დებატები სხვადასხვა მხარეებს შორის".

"ერთი კონკრეტული ინსტრუმენტი პოლარიზაციას ვერ დაასრულებს, მაგრამ ჩვენ ვფიქრობთ, რომ დებატების კულტურის ხელახლა დამკვიდრებას ჩვენს ქვეყანაში შეუძლია, გარდამტეხი როლი შესრულება პოლარიზაციის დასრულებაში. სიძულვილის ჩაკეტილი წრე შეუძლია, რომ გაარღვიოს და ყინულმჭრელი შეიძლება, გახდეს ამ თვალსაზრისით, ამიტომ ჩვენ ძალიან დიდ მნიშვნელობას ვანიჭებთ იმ ინიციატივას, რომლითაც დღეს გამოვედით. ვფიქრობთ, რომ ძალიან მალე უნდა დაიწყოს უკვე ეს პროცესი, არაუგვიანეს 2 კვირისა, რაღაც ფორმატები უნდა არსებობდეს ჩვენი წარმოდგენით და უკვე უნდა შედგეს პირველი დებატები სხვადასხვა მხარეებს შორის", — განაცხადა "ოცნების" პრემიერმა, ირაკლი კობახიძემ სამთავრობო ტელეკომპანია "იმედის" ეთერში.