აშშ-ის პრეზიდენტმა, ჯო ბაიდენმა რუსეთის პრეზიდენტს, ვლადიმერ პუტინს უახლოეს თვეებში შეხვედრა შესთავაზა, თუმცა არც უკრაინაში და არც რუსეთში, არამედ მესამე ქვეყანაში. თეთრი სახლის ინფორმაციით, ამის შესახებ ბაიდენმა პუტინს სატელეფონო საუბრისას აცნობა.

მათივე განცხადებით, პრეზიდენტებმა საერთაშორისო პოლიტიკური სიტუაცია განიხილეს. კერძოდ, ბაიდენმა კიდევ ერთხელ დაადასტურა მხარდაჭერა უკრაინის ტერტორიული მთლიანობისადმი, შეშფოთება გამოხატა ოკუპირებულ ყირიმსა და უკრაინის საზღვრების მიმდებარედ რუსული სამხედროების რიცხვის ზრდის გამო და რუსეთს დაძაბულობის განეიტრალებისკენ მოუწოდა.

გარდა ამისა, ბაიდენმა პუტინს უთხრა, რომ აშშ იმოქმედებს მკაცრად თავისი ნაციონალური ინტერესების დასაცავად და ექნება პასუხი რუსეთის ქმედებებზე, როგორიცაა კიბერთავდასხმები და არჩევნებში ჩარევა.