ინფექციური საავადმყოფოს დირექტორის, თენგიზ ცერცვაძის განცხადებით, აქციები ქვეყანაში კორონავირუსის გავრცელების მაღალ რისკს შეიცავს, მაგრამ "რადგან პოლიტიკურ პროცესს ვერ შევაჩერებთ, საჭიროა რეგულაციების დაცვა".

"კარგი იქნებოდა, ქვეყანაში ყოფილიყო სიმშვიდე და არ ყოფილიყო აქციების საჭიროება, მაგრამ რადგან არის გარკვეული ნაწილის მოსახლეობის სოციალური დაკვეთა, რომ აქციები უნდა ჩატარდეს, პოლიტიკურ პროცესებს ხელს ვერ შევუშლით. დაიცვან ელემენტარული რეგულაციები", — განაცხადა ცერცვაძემ.

არჩევნების შემდეგ ხელისუფლებაში უფრო აქტიურად საუბრობენ იმაზე, რომ აქციები კორონავირუსის გავრცელების რისკს შეიცავს. მათ სხვადასხვა ტრიბუნიდან მოუწოდეს ოპოზიციას, რომ დაიცვან წესები და აქციები წესების დაცვით, პირბადით ჩაატარონ.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: