საქართველოს 2017 წლის ბიუჯეტის პროექტში, საზოგადოებრივი მაუწყებლის დაფინანსება 7 მილიონი ლარით იზრდება. მომდევნო წლისთვის, საზოგადოებრივი მაუწყებელი ბიუჯეტიდან 51 055 000 ლარს მიიღებს.

2016 წელს საზოგადოებრივი მაუწყებლის დაფინანსება 44 100 000 ლარს შეადგენდა.

როგორც 2017 წლის ბიუჯეტის პროექტში წერია, მაუწყებელი დაფინანსების უდიდეს ნაწილს, 46 406 000 ლარს პირდაპირ ბიუჯეტიდან მიიღებს, ხოლო 4 650 000 ლარს კი, კანონმდებლობით ნებადართული სხვა სახსრების სახით.

საერთო თანხიდან, 3 742 600 ლარი დაიხარჯება შრომის ანაზღაურებაზე, რაც დაახლოებით 135 ათასი ლარით ნაკლებია ამავე მიზნებისთვის 2016 წელს გამოყოფილ თანხაზე.

უფრო დეტალურად, საზოგადოებრივი მაუწყებლისთვის გამოყოფილი თანხა ასე დაიხარჯება:

  • შრომის ანაზღაურება – 3 742 600 ლარი;
  • საქონელი და მომსახურება – 34 524 400 ლარი;
  • გრანტები – 333 000 ლარი;
  • სოციალური უზრუნველყოფა – 105 000 ლარი;
  • სხვა ხარჯები – 2 182 000;
  • არაფინანსური აქტივების ზრდა – 10 113 000 ლარი;
  • ვალდებულებების კლება – 55 000 ლარი;