აშშ-ის პრეზიდენტმა დონალდ ტრამპმა კაპიტოლიუმში ეროვნული ლოცვის საუზმეზე სიტყვით გამოსვლისას პირობა დადო, რომ შექმნის თეთრი სახლის რელიგიური თავისუფლების კომისიას და რწმენის საკითხთა ოფისს. ამის შესახებ The Washington Post წერს.

მისი თქმით, წელს "ამერიკა 250"-ის ღონისძიების აღნიშვნის ფარგლებში, 17 მაისს ეროვნულ მოედანზე ლოცვის დღე გაიმართება, რომლის დროსაც სხვადასხვა სარწმუნოების წარმომადგენლები სალოცავად შეიკრიბებიან.

ტრამპმა განაცხადა, რომ ეს ღონისძიება ამერიკას ხელახლა აკურთხებს, როგორც "ერთიან ერს რომელსაც ღმერთი განაგებს".

WP წერს, რომ ეროვნულ ლოცვის საუზმეს ესწრებოდნენ თავდაცვის მინისტრი პიტ ჰეგსეთი, გენერალური პროკურორი პემ ბონდი, შინაგან საქმეთა მინისტრი დაგ ბურგუმი, ვეტერანთა საქმეთა მინისტრი დაგ კოლინზი, ეროვნული დაზვერვის დირექტორი ტულსი გაბარდი და წარმომადგენელთა პალატის სპიკერი, ლუიზიანას შტატის რესპუბლიკელი მაიკ ჯონსონი.

ტრამპმა ასევე განაცხადა, რომ ხუთშაბათს მოგვიანებით ხელს მოაწერს აღმასრულებელ ბრძანებას, რომელიც იუსტიციის დეპარტამენტის მდივანს პემ ბონდის დაავალებს, შექმნას სამუშაო ჯგუფი ფედერალურ მთავრობაში ანტიქრისტიანული მიკერძოების წინააღმდეგ საბრძოლველად.

ამუშაო ჯგუფს დაევალა "ფედერალურ მთავრობაში, მათ შორის იუსტიციის დეპარტამენტში, შემოსავლების სამსახურში, FBI-სა და სხვა სააგენტოებში ანტიქრისტიანული თავდასხმებისა და დისკრიმინაციის ყველა ფორმის დაუყოვნებლივ აღმოფხვრა", — განმარტა ტრამპმა.

"ჩვენ უნდა დავაბრუნოთ რელიგია... ამერიკა არის და სამუდამოდ იქნება ერთი ერი, რომელსაც ღმერთი განაგებს", — თქვა თეთრი სახლის პრეზიდენტმა.